Video
Read full review
2015-07-19
644 views
老婆愛上食素，亦發現原來身邊有唔少嘅朋友一樣喜歡，大多數人都喺基於追求健康。故此，為吸引更多客人，尤其年輕人，依家嘅素食店真喺越嚟越講究，少鹽少糖少油都已經喺基本中嘅最基本，仲有採用天然食材，做法新派，賣相精細……，真喺一啲都唔「齋」！「悠蔬食」一個好特別嘅店名，知道佢嘅存在喺從飲食雜誌之上，今晚造訪，絕無猶豫不決。由門口以至室內，都喺一室湖水藍襯白，已經予人簡潔爽朗嘅感覺，加上窗框、座椅，均以通花為設計造型，更顯優雅。如果坐晌卡位，窗下更放置鮮花作點綴，對住鮮花，有多一份抒暢恬靜之感。「悠」喺要悠閒唔急趕，「蔬食」為嘅就喺一頓美味嘅素菜。翻閱餐牌之時，才發現原來店家亦設有貴賓房，就晌一入門口右邊，兩個貴賓房各可容納12人，亦可打通共用，可惜當晚見到有客人正在用餐，未有機會入去睇睇。如果夠人多，真喺訂個房，多點私隱，傾得更暢快。講開個餐牌，實在幾大本，因為羅列嘅美食確實好多，由午市套餐、下午茶套餐、晚巿套餐，以至唔同時段嘅散點、甜品、飲品，仲有多款供12人享用嘅圍菜，真喺唔同時段嚟都有大把選擇。所以，對住咁多美食，搞到我都真喺有啲猶豫不決。不過，補充一句，餐廳晌唔同時段均設有唔同嘅最低
由門口以至室內，都喺一室湖水藍襯白，已經予人簡潔爽朗嘅感覺，加上窗框、座椅，均以通花為設計造型，更顯優雅。
如果坐晌卡位，窗下更放置鮮花作點綴，對住鮮花，有多一份抒暢恬靜之感。「悠」喺要悠閒唔急趕，「蔬食」為嘅就喺一頓美味嘅素菜。
翻閱餐牌之時，才發現原來店家亦設有貴賓房，就晌一入門口右邊，兩個貴賓房各可容納12人，亦可打通共用，可惜當晚見到有客人正在用餐，未有機會入去睇睇。如果夠人多，真喺訂個房，多點私隱，傾得更暢快。
講開個餐牌，實在幾大本，因為羅列嘅美食確實好多，由午市套餐、下午茶套餐、晚巿套餐，以至唔同時段嘅散點、甜品、飲品，仲有多款供12人享用嘅圍菜，真喺唔同時段嚟都有大把選擇。所以，對住咁多美食，搞到我都真喺有啲猶豫不決。不過，補充一句，餐廳晌唔同時段均設有唔同嘅最低消費額，例如，晚市就每位$200，但事後問過店員，都唔喺強硬性執行，指標性嘅作用比較多啲。
揀嘢食真喺幾煩，心大心細，所以，就先晌晚巿套餐埋手，5道菜嘅晚餐包括前菜、手卷、湯品、主食及甜品，定價$218 + 10%，菜式豐富，又一定過到個最低消費。此外，又可以以優惠價加配飲品。一行3人，就點兩個套餐，再加少少散點！
前菜共有3款食物：香樁拌豆腐、麻醬藜麥拌絲瓜、涼拌牛蒡粉皮，無論多少個人點晚餐，都一樣有齊依3樣嘢，只喺份量上嘅區別。樣樣都份量少少，喜與友人共享。
前菜：麻醬藜麥拌絲瓜、香樁拌豆腐、涼拌牛蒡粉皮
36 views
0 likes
0 comments
極之健康嘅藜麥喺近年大熱，混入絲瓜絲、甘筍絲，以胡麻醬調和，既有濃香芝麻味，又有清爽口感，所以，要健康有健康，要好味有好味。
麻醬藜麥拌絲瓜
29 views
1 likes
0 comments
簡單味美足以形容依小碟前菜，薄切嘅豆腐厚薄如一，刀功盡顯，豆腐入口非常嫩滑，放上小撮香樁醬，鹹香得嚟更能吊出豆香。
香樁拌豆腐
40 views
1 likes
0 comments
軟糯嘅粉皮，搭上爽脆嘅牛蒡，比較少有嘅組合，糝上黑白芝麻，多幾分香氣，若然添少許油醋，味道唔知會唔會更有層次。
涼拌牛蒡粉皮
38 views
0 likes
0 comments
有兩款選擇，一喺露筍素香鬆苜蓿芽手卷，一喺就香芒牛油果苜蓿芽手卷，我哋3個人無理由要其中一個無得食，手卷嘅嘢又好難「些牙」嘛，所以，額外多叫一客露筍素香鬆苜蓿芽手卷（$28），因為散叫香芒牛油果苜蓿芽手卷收貴少少嘛，要$38一客。兩者嘅紫菜都好脆卜卜，友人試嘅露筍素香鬆苜蓿芽手卷，爽脆有咬口，味道較清新，而小弟試嘅香芒牛油果苜蓿芽手卷，則帶有清甜味，只可惜香芒同牛油果都得少少，食得唔夠喉。
手卷：露筍素香鬆苜蓿芽手卷、香芒牛油果苜蓿芽手卷。
80 views
0 likes
0 comments
松露忌廉蘑菇濃湯及松茸百合蓮子燉湯任擇其一，我哋點兩個餐就當然兩款試晒，因為每款湯品份量唔少，所以，大家都可以共享試晒兩款。
松露忌廉蘑菇濃湯
47 views
1 likes
0 comments
松茸百合蓮子燉湯
49 views
1 likes
0 comments
將蘑菇打碎，再加入松露油做成嘅忌廉濃湯，質感比較杰身，帶有滿滿嘅蘑菇粒粒感，但香味實在濃郁幽香。事後問番，原來啲蘑菇唔該意打得太碎太蓉，希望多一份口感，同埋睇得出真材實料。
松茸百合蓮子燉湯燉湯幾時都喺咁得人歡心，唔單用料，亦都火喉十足，飲一啖感覺醇和清甜，好似啖啖都喺濃縮嘅精華。再者，蓮子鬆化，松茸香味突出，感受到一份用料不賴嘅心。再者，單叫一客燉湯都要$88，所以，點晚餐真喺超划算。
主食有4款選擇，分別喺珍珠糙米飯、意大利飯、咖喱配印度薄餅及扁意粉，但後兩者要另外補多$20。紅咖喱野菜猴菇丸配印度薄餅及糙米飯
個紅咖喱份量著實不少，內裡有好多野菜，如芋頭、意大利黃瓜、三色椒、露筍、青瓜、西蘭花……等等，紅咖喱本身帶少辣，充滿香料味，而猴頭菇做嘅「肉丸」，口感真有幾分似，鬆軟而菇味濃。無論印度薄餅，抑或珍珠米（糙米飯已賣晒），沾滿咖喱就寧舍好食。
紅咖喱野菜猴菇丸配印度薄餅及糙米飯
34 views
0 likes
0 comments
牛肝野菌忌廉扁意粉雜菌類意粉一向甚合小弟心水，依道扁意粉，咪睇落似喺細細份，其實隻碟底幾深，我哋3個人絕對足夠分享。扁意粉煮得啱啱好，甚有咬口，每條麵都掛滿忌廉汁，香滑好食；而牛肝菌加埋少少雜菇，又有啲火箭菜、意大利黃瓜、露筍……等等，感覺份外健康。
牛肝野菌忌廉扁意粉
51 views
1 likes
0 comments
除咗指定嘅加配飲品選擇外，就算揀其他嘢飲都得，可有減$10嘅優惠，所以，就接受店員嘅推介，揀咗幾杯慢磨鮮果汁，每杯散叫要$42杯，店員好好人，仲俾夠3杯都以優惠價結算。
Vita-C奇異果汁、清潤蘋果雪梨汁、高紅素蕃茄汁每一款都列明唔同成份，以及其功效，最緊要唔只色澤好睇，更要喺味道唔錯。就以小弟嘅奇異果汁為例，酸酸甜甜，清新清涼，酸味中有滲出點點香蕉味，甚得意。順便講講，咩叫慢磨，按店員嘅介紹，就喺以慢磨機嚟打果汁，慢慢磨，務求唔產生高熱，除去鮮果營養嘅流失或變質，保持原汁原味。
Vita-C奇異果汁、清潤蘋果雪梨汁、高紅素蕃茄汁
77 views
1 likes
0 comments
晚餐只包兩件黑芝麻糕或一件抹茶乳酪蛋糕，嗜甜嘅朋友，更特別多挑一客抹茶馬蹄糕（$38/4件）。3款甜品，同時放於一碟中上枱。
抹茶乳酪蛋糕細細件，的的骰骰，配幾粒紅豆蓉，賣相精緻。消化餅底夠薄身，中間嘅抹茶芝士認真唔錯，既有抹茶嘅幽香，又有芝士嘅香濃。
抹茶乳酪蛋糕
58 views
1 likes
0 comments
個抹茶馬蹄糕幾特別，抹茶味無蓋過馬蹄嘅清甜，再者，啲馬蹄好爽脆，算有啲驚喜。
抹茶馬蹄糕
47 views
2 likes
0 comments
烏卒卒嘅黑芝麻糕，口感比較硬身咗少少，但不失黑芝麻嘅香味。
黑芝麻糕
165 views
1 likes
0 comments
Post
