Video
Read full review
2021-03-17
1723 views
星期六同田會長及king3人一齊去最近人氣頗高的Mr Cardigan，白色貨櫃cafe，上網見到環境及食物都好靚，打卡之選，即想去一轉。cafe只開星期六及日14:00-18:00，沒有book位只有walk in ，想去要比點耐性等下。預好多人幫襯，提早時間去，到場時約13:40到已有人龍，果然受歡迎。約2:10到開門，編排座位有點亂(頭轉客人自己揀位，3人位比左2人坐)，在場有幾台2人位空左係到，但排隊的客人多數都係3-4人組合，隔左段間之後，餐廳先張果幾張枱加櫈變3人位，呢方面可改善下。等到大約14:40入場，1.5小時用餐，沒得調位及reorder。由白色貨櫃建成的cafe，貨櫃前的吧枱，真係打卡之選，露天茶座，感受大自然的風景，適逢木棉花季，邊嘆茶邊賞花，涼風輕輕吹，都幾寫意，cafe周位種植不少綠色多肉植物，花花草草，有著小清新之感。自行取餐具。旁有個小農地，種植了蕃茄、粟米等農作物。輕食為主，選擇不多，大家揀左幾件蛋糕及吐司開心些牙。先付款後上食物，不收加一。等左陣好快有野食，賣相太靚了～不停狂影。巨峰提子梳打，＄45。熱帶水果茶，＄65，田會長的。柚子檸檬梳打，＄45
星期六同田會長及king3人一齊去最近人氣頗高的Mr Cardigan，白色貨櫃cafe，上網見到環境及食物都好靚，打卡之選，即想去一轉。cafe只開星期六及日14:00-18:00，沒有book位只有walk in ，想去要比點耐性等下。
預好多人幫襯，提早時間去，到場時約13:40到已有人龍，果然受歡迎。
約2:10到開門，編排座位有點亂(頭轉客人自己揀位，3人位比左2人坐)，在場有幾台2人位空左係到，但排隊的客人多數都係3-4人組合，隔左段間之後，餐廳先張果幾張枱加櫈變3人位，呢方面可改善下。
等到大約14:40入場，1.5小時用餐，沒得調位及reorder。
由白色貨櫃建成的cafe，貨櫃前的吧枱，真係打卡之選，露天茶座，感受大自然的風景，適逢木棉花季，邊嘆茶邊賞花，涼風輕輕吹，都幾寫意，cafe周位種植不少綠色多肉植物，花花草草，有著小清新之感。
自行取餐具。
旁有個小農地，種植了蕃茄、粟米等農作物。
輕食為主，選擇不多，大家揀左幾件蛋糕及吐司開心些牙。先付款後上食物，不收加一。
等左陣好快有野食，賣相太靚了～不停狂影。
巨峰提子梳打，＄45。熱帶水果茶，＄65，田會長的。
柚子檸檬梳打，＄45，king的。
巨峰提子梳打，＄45，水果、果醬及梳打水都係分開上，可自行調味，清新的組合。
吸管匙羹，環保又方便。
煙三文魚芝士醬法包，$45，法包口感有點硬，煙三文魚薄身，芝士味唔濃，味道正常。
香蕉藍莓吐司，＄45，賣相靚，麵包鬆軟，香蕉、藍莓配上牛油及士多啤梨醬，味道香甜，不俗。
自家製蘋果批，$45，賣相十分精緻，以半個天之驕女蘋果作點綴，實在太點題喇～蘋果批，個皮唔算太酥脆，內餡料十足，多粒粒蘋果肉，口感軟滑，有濃郁蘋果味及肉桂香，微酸不太甜膩，好味。
芒果芝士蛋糕，＄45，以食用花及水果配搭增添美感，有心思，入口淡淡的芒果味，不太甜，口感輕盈，似慕斯蛋糕。
飲品及吐司多是現成野，味道正常，配搭得好靚，視覺必勝，蘋果批好味，環境relax，價格合理，有機再去多轉。
好多木棉花。
Post
