Little Creatures (Closed)

行經一座座舊嘅建築物，直至街嘅盡頭，望到海邊，餐廳就喺附近。週未嚟到呢度，再加上餐廳嘅裝修，就好似喺英國市鎮嘅週未咁，輕鬆寫意聚下舊，嘆返餐。😍Beer Paddle餐廳提供好多唔同種類嘅啤酒，仲有自家製嘅，唔飲開啤酒，唔知點揀，甚至飲開邊類但又想試下其他嘅，必定要叫Beer Paddle。餐牌上會話你知酒精含量、苦澀度、顏色度，好似上咗一堂試啤酒咁。六款各有特色，我就比較喜歡苦澀味多啲啲，今次款‘Kennedy Town Brew’都唔錯，佢係季度性嘅，過幾個月嚟就唔同㗎。😊Hand Cut Frites飲啤酒要配小食。自家製手切薯條，炸得啱啱好。即叫即炸，最怕放好耐到上枱時已唔夠脆。配嘅黑松露醬好香，配薯條，一流。😊Lime Chicken Tacos我以為係脆餅，但佢係捲餅，另一食法。捲餅部分細細片，咁就可以食到雞肉餡料嘅味道。味道好清新，加埋佢個墨西哥辣汁，正呀！但真係一兩滴就夠，太辣就蓋過原有嘅味道。Cold Pressed Juice 揀咗西柚+蘋果。西柚味較濃。飲哂啲啤酒呢，叫呢個，fresh 下先。😍Sticky Pork Ribs微甜微辣嘅燒汁，配ribs真係好好味。