Video
Read full review
2018-02-03
86 views
因為要過來大圍拿快遞，所以就喺附近食個tea。門口見到裝修簡約清新，雖然外面做緊維修有棚架圍住，但都忍唔住入咗嚟。雖然鋪頭細細間，但係裝修同佈置都睇得出花過心思，墻身同家俱都以黑白做主調，個性中盡量營造出簡約而輕鬆的氣氛。一朵朵白雲狀的吊燈，更增添大自然的舒適感，讓人仿如白雲般自由自在的悠閒感覺。而燙有英文報紙的磨損feel壓板木餐檯，令成間鋪添加了繁囂都市中一點點的文藝氣息。坐落嚟就覺得好舒服同自然。大概十分鐘，我點的西冷牛扒就送上。件扒好大塊，佔咗半隻碟，唔會十分厚，但分量都好夠。表面煎到比外面既透少少，但唔會燶，雖然職員落單無問我要幾分熟，但係見顏色同口感都有六七成熟，係minipapa一向食開既程度。見到啲肉粉紅粉紅咁，唔會見血又唔會鞋，啱啱好。而啲薯條唔會太乾，食落入面仲係冧冧地，合格。可惜當日ｍinipapa唔想食辣，就無要黑椒汁，求其點咗個洋蔥汁，果然黑淑牛扒先係最夾！minipapa既爸爸點既係焗豬扒飯。爸爸對哩個飯簡直讚不紹口！豬扒依然唔算好厚，但爸爸話好入味，啲意粉吸收曬啲番茄汁，而意粉又唔會太硬或太冧，口感啱啱好。早上已經食咗一碗飯既佢，將成碟意粉清曬！佢話第一次
門口見到裝修簡約清新，雖然外面做緊維修有棚架圍住，但都忍唔住入咗嚟。
雖然鋪頭細細間，但係裝修同佈置都睇得出花過心思，墻身同家俱都以黑白做主調，個性中盡量營造出簡約而輕鬆的氣氛。一朵朵白雲狀的吊燈，更增添大自然的舒適感，讓人仿如白雲般自由自在的悠閒感覺。而燙有英文報紙的磨損feel壓板木餐檯，令成間鋪添加了繁囂都市中一點點的文藝氣息。坐落嚟就覺得好舒服同自然。
原塊西冷牛扒（加$10轉薯菜)
$88
26 views
0 likes
0 comments
大概十分鐘，我點的西冷牛扒就送上。件扒好大塊，佔咗半隻碟，唔會十分厚，但分量都好夠。表面煎到比外面既透少少，但唔會燶，雖然職員落單無問我要幾分熟，但係見顏色同口感都有六七成熟，係minipapa一向食開既程度。見到啲肉粉紅粉紅咁，唔會見血又唔會鞋，啱啱好。而啲薯條唔會太乾，食落入面仲係冧冧地，合格。可惜當日ｍinipapa唔想食辣，就無要黑椒汁，求其點咗個洋蔥汁，果然黑淑牛扒先係最夾！
焗豬扒意粉(番茄汁)
$48
19 views
0 likes
0 comments
minipapa既爸爸點既係焗豬扒飯。爸爸對哩個飯簡直讚不紹口！豬扒依然唔算好厚，但爸爸話好入味，啲意粉吸收曬啲番茄汁，而意粉又唔會太硬或太冧，口感啱啱好。早上已經食咗一碗飯既佢，將成碟意粉清曬！佢話第一次可以將焗豬扒意粉啲粉食曬，真係好開胃！
而我哋因為慢慢食同傾計坐咗好耐，其間都有唔少學生哥同啲文職人員入嚟幫襯。哩度雖然唔大，但個環境真係好relax，好適合嚟傾計同慢活享受。而且啲職員又唔會好似出面有啲鋪咁，急住收你既餐好似趕人走咁，真係好舒服。一定會再嚟！
Post
