果子｜海南雞飯·喇沙摻摻 (啟昌樓) (Closed)

星期日忽然想起肉骨茶，於是找尋下附近有無星加坡餐廳。無意中見到這小店，就一家四口過了大埔試試這間「果子」。入門口老闆態度有禮，問了幾位請我們等一會，因限聚令要分兩枱坐，不過後來有兩張鄰的枱就再給我們換枱。餐廳感覺清新舒服，我們好快點了幾份午餐，有海鮮叻沙，香茅雞翼飯和肉骨茶。各餐的份是都很足，顏色賣相和配搭都唔錯。海鮮叻沙多餸，蜆肉和蝦都有鮮味，不算辣，個人覺得如多啲椰汁香味會更好。香茅雞翼飯有花生魚干伴邊，飯面有太陽蛋，即使飯冇落汁也很好送飯，雞翼賣相和味道都很吸引。肉骨茶很豐富，肉非常腍，仲有蛋，如果可多些糊椒會更正。整體這餐都很滿意，仲有印仔咭儲分，可以再來的餐廳。