AFTER TEN (Closed)

元朗有好多靚cafe，教育路尤其多，今日就來到了「AFTER TEN」。餐廳以木系裝潢為主調，由於時間尚早，未到午飯時間，人流唔算太多，靜靜地非常舒適。喜歡嘅仲可以坐吧檯位，望住出面街道慢慢享受午餐。蒜油蝦蜆扁意粉 :上檯時已經聞到好香蒜味，扁意粉有咬口，但唔會太硬，食落味道微辣，非常惹味，蝦同蜆份量適中，蝦入口彈牙，無乜雪藏味，整體感覺滿意。DARK MOCHA(70%) : Mocha就飲得多，Dark Mocha就真係第一次試，比起一般Mocha，味道無咁甜，朱古力味更香濃，但唔會搶晒咖啡嘅香味，配埋個靚靚拉花，令心情更好。