Video
Read full review
2017-06-15
844 views
近來工務繁忙，難以下筆撰寫食評。多謝您令我氣難下，驅使到不吐不快，專登百忙中抽空優先處理！老遠從九龍區走到屯門，晚上 7 點坐低只有半場 滿，食客不是太多。步入餐廳又再次比二人迷你檯我坐，示意欲轉隔離張死角檯，但遭到拒絕，侍應稱供三人坐的。我跟女友講：張檯勁細，佢真係覺得放得晒？其後那位侍應妹妹不知有意或無意，放杯碟砰砰聲發出刺耳聲音，我心諗您依家發我老皮嗎？女友回答：可能出面多人等位呢。無緊要，算數。誰知不到五分鐘，轉頭比兩母女坐！剛剛不是話要三個人才可以坐嗎！係個女有 BB，定係阿媽有 BB 呀！佢地食二百幾蚊，我兩食成千蚊，點解呀！我兩每次幫襯唔放低七百都有五百，離晒譜！過份，火到黎。三張迷你二人檯泊埋六個人坐，兩台食客亙不相識用一壺水，起碼一台一壺架麻，酒樓都唔會啦。那邊師拉還要成壺水據為己有，放係佢地最遠處，我地飲咩呢！最後依張迷你檯當然唔夠放啦 ﹗我問得要轉檯當然有原因，您估我黎食兩個碟頭飯加兩杯餐飲咩？兩杯茶一支啤酒一壺水兩隻骨碟兩碟豉油兩碟果醋，平目魚刺生半條、珍寶帶子壽司、芥辣八爪魚軍艦、芥辣鮑魚粒軍艦、燒玉子、珍寶赤蝦壽司、鹿兒島和牛壽司、大吞拿魚腩壽司、海鰻壽司、
老遠從九龍區走到屯門，晚上 7 點坐低只有半場 滿，食客不是太多。步入餐廳又再次比二人迷你檯我坐，示意欲轉隔離張死角檯，但遭到拒絕，侍應稱供三人坐的。
我跟女友講：張檯勁細，佢真係覺得放得晒？其後那位侍應妹妹不知有意或無意，放杯碟砰砰聲發出刺耳聲音，我心諗您依家發我老皮嗎？女友回答：可能出面多人等位呢。無緊要，算數。
誰知不到五分鐘，轉頭比兩母女坐！剛剛不是話要三個人才可以坐嗎！係個女有 BB，定係阿媽有 BB 呀！佢地食二百幾蚊，我兩食成千蚊，點解呀！我兩每次幫襯唔放低七百都有五百，離晒譜！過份，火到黎。
三張迷你二人檯泊埋六個人坐，兩台食客亙不相識用一壺水，起碼一台一壺架麻，酒樓都唔會啦。
那邊師拉還要成壺水據為己有，放係佢地最遠處，我地飲咩呢！最後依張迷你檯當然唔夠放啦 ﹗我問得要轉檯當然有原因，您估我黎食兩個碟頭飯加兩杯餐飲咩？
兩杯茶一支啤酒一壺水兩隻骨碟兩碟豉油兩碟果醋，平目魚刺生半條、珍寶帶子壽司、芥辣八爪魚軍艦、芥辣鮑魚粒軍艦、燒玉子、珍寶赤蝦壽司、鹿兒島和牛壽司、大吞拿魚腩壽司、海鰻壽司、海膽軍艦、皇帝蟹柳壽司、炸雞稻庭湯烏冬 ﹗
板長 iPad menu 放係大髀，自己電話坐住。食物一碟接一碟堅密地送到，搞到我食得勁急，極度討厭 ﹗是否要我求其倒晒落肚，走得越快越好？
已放到密麻麻，能否通知師傅暫時 不要出餐住架呢！炸雞倒晒落碗烏冬度，壽司倒埋一齊去騰出空間，依舊好迫囉！感覺厭惡，不舒服、不開心。
天婦羅盛 19:45 分落單，已經 20:10 還未到，25 分鐘了。一浪接一浪，心 情越來越差，唔食喇 ﹗取消去，埋單。取消天婦羅盛埋單 $958，平時都會放低十幾二十蚊作小費，不滿地留下 $2 蚊算鬼數。
傳菜的侍應們服務滿意，尤其替我酙酒的侍應哥哥，抵 讚 ﹗耐心有禮，我話睇唔到廚師推介塊 board 寫咩，佢真係續樣讀比我聽呢，多謝。
平目魚刺生半條薄切，實收 $350 蚊，十分大條啊，意料之外。刀功了得，薄薄的晶瑩剔透。賣相一流，骨子細心，設置得井井有條。
肉質瘦而結實，魚脂微弱，嚥韌帶爽而味淡，捲著蔥花沾上果醋夠晒香口味美，如有薑蓉就更加好啦。嘗試過配芥辣豉油，不過味道完全唔夾，好難食呢。
珍寶帶子壽司，每次都頂級好味，能與大拖羅爭一日之長短。天生超巨大的體積，就連我獨有的血盆大口都塞得十分充實，濃濃的帶子香甜味道，軟滑棉棉，齒陝留香，餘韻逗留在味蕾上久久不散。
洒上芥辣豉油，配埋肥嘟嘟乾爽嚥韌飯粒，用筷子夾起都感覺到非常聚手，豪氣地整件啪入口中，大滿足到打冷震啊。
芥辣八爪魚軍艦、芥辣鮑魚粒軍艦，基本上味道及口感都是一模一樣。爽脆帶點海水味，芥辣味突出但不嗆喉不嗆鼻，女友第二最愛。
燒玉子，這才是真命天子，女友的致愛 ﹗但對我來說真的麻麻，不會 order的。微波叮叮蛋，濃濃濁濁的甜味，質感同味道陰沉死實，了無生氣。
愛吃即做新鮮太陽蛋的我，無可能有機會打動到呢 ﹗不過層經有一次使我讚嘆的，就是去日本北海道的時間，師傅即做燒玉子，美味可口。天堂與地獄，那有得比較。
珍寶赤蝦壽司，北海道牡丹蝦永遠都是最好的 ﹗無就唯有退而求其次。炸蝦頭永遠都冷冰冰，油淋淋又有油益味，無鮮味無肉食無膏食，依家只能用作裝飾罷了 ﹗
記得細個時，即叫即炸新鮮出爐熱燙燙，金黃鬆脆，甘香有蝦膏。中蝦一般的呎碼，滑而不黏的蝦身，夠爽夠彈，味淡帶微弱鮮甜味道，蠻不錯的。
火炙大吞拿魚腩壽司，經火鎗高溫處理後，部份水份蒸發、部份魚脂溶掉，使到味道更加濃縮，質地更加滑溜油潤，氣味芳香飄送，不可挑剔，美味無窮。
大吞拿魚腩壽司，沒有炙過的魚腩比炙過的更鮮味，魚脂豐富澎湃，甜味超凡脫俗，甘香無比，入口即溶的感覺使我神暈癲倒 ﹗
鹿兒島和牛壽司，這蔥花薑蓉反而是靈魂所在，強力的催化劑啊 ﹗雖然質地非常腍又非常棉，不過和牛本身牛味淡而單調，就算炙過邊位都未能將味道提高多少。
但跟薑蔥混和，清淡的牛肉味道隨即吊得高高，非常神奇 ﹗總括質數不過不失，又未到十分好食既。
海鰻壽司，比起燒鰻魚好食多多聲喎。肉質滑溜軟塾，不會乾爭爭又沒有半點腥味，反而有點魚肉的鮮甜味道。掃上小許清淡醬油，不過份又不濃不濁，味道調得剛剛好，還有陣陣焦香。
皇帝蟹柳壽司，不喜歡蛋黃醬呢。抹去蛋黃醬後，立即爽快地整件掉落黑洞。好味道啊！
疑幻似真，蟹柳肉散開，真係好似剛剛剝殼拆骨抽膜後的模樣！仿真度極高極細緻，日本仔您係咪傻架鬆軟彈牙濕潤，汁液甜美清爽，不濁不嗆，蜻蜓點水，點到即止的甜美。
壽司飯一件比一件爛既？又黏又濕又無醋香，是否舊飯用晒，新飯又未打好嗎？
海膽軍艦，真係暈左都醒一醒，食完再暈過！腥到非筆墨可形容，大大力衝擊腦袋！初嚐先來淺淺甜味，但兇猛腥蚶蚶味道隨即殺來！
強悍霸道吃不消，硬吞落肚！飯粒同樣濕爛，漿住您的嘴，喜歡此感覺的食家必定大愛。來杯熱茶沖沖濃烈腥味，漱漱口，next！
炸雞稻庭湯烏冬，炸雞真心處理得宜，香噴噴啊！略油，不過外層甘香脆卜卜，裡面 juicy 濕潤有彈性，肉汁微滲，醃味可口，令人回味。但我不太喜歡蛋黃醬呢，比舊檸角我仲好啦，唯有浸湯洗掉蛋黃醬。
侍應妹妹不知道烏冬要跟炸雞一齊上菜呢，經理示意取回烏冬到廚房。其實先放低個烏冬，後補炸雞都可以麻。
稻庭湯烏冬一來一回已浸得有點過腍，幸好還剩下微微嚥韌及滑嘟嘟感覺，與濃郁鰹魚湯汁掃入口，跟暖湯底同吃還算不錯，再熱一點會更好。蘿蔔有渣喎，清甜欠奉又帶酸，麻麻地。
平目魚刺生半條薄切
$350
38 views
0 likes
0 comments
珍寶帶子壽司
41 views
0 likes
0 comments
芥辣八爪魚軍艦、芥辣鮑魚粒軍艦
41 views
0 likes
0 comments
珍寶帶子壽司
33 views
0 likes
0 comments
火炙大吞拿魚腩壽司
40 views
0 likes
0 comments
大吞拿魚腩壽司
38 views
0 likes
0 comments
海鰻壽司
47 views
0 likes
0 comments
皇帝蟹柳壽司
60 views
0 likes
0 comments
海膽軍艦
35 views
0 likes
0 comments
炸雞稻庭湯烏冬
37 views
0 likes
0 comments
炸雞稻庭湯烏冬
48 views
0 likes
0 comments
Post
