如粵滬中菜廳 (Closed)

恭喜新婚之喜呀！今晚依餐好趕，因為同鏢賽撞期，只可以食一半就要飛的士返大埔出戰，隊友公司就係正樓下商場，可以一齊搭的士呢﹗雖然唔知依隻係咩紅酒，不太酸澀入得口。剛才飲左幾啖紅酒想再添飲，點知侍應姐姐話每枱只有一支紅酒供應。唔係掛？一支都唔夠酙 12 杯喎，但姐姐您太坦白喇，都唔應該同賓客講麻，哈哈﹗那麼您地有無 Whisky 呢？都無！咁算啦，開壼鐵觀音比我算喇。鴻運乳豬全體，乳豬皮十分香脆，不太肥不油膩，有肉食而泛著淡淡咸香，滿意滿意。佳偶天成，只係想攞個好意頭啫。原來係蜜糖豆蓮藕片炒蝦仁。依味菜清清地簡簡單單，意料之外鮮甜清爽，而且藕片爽脆清甜，蜜糖豆爽甜多汁，蝦仁鮮嫩，好味架喎。富貴花姿球，即係炸鮮魷魚丸。整體還可以，外層炸得鬆脆香口，裡面鮮味非常，質感微彈。百花釀蟹拑就食得多，依款都幾有創意。金瑤扒翡翠，西蘭花鮮嫩卜卜脆又無過腍，菜甜味出眾又多水，掛上濃郁瑤柱芡汁，濃而不濁，沾上豆瓣醬更添惹味。紅燒竹笙雞絲生翅，個高湯底好香濃喎，可以連浙醋都唔洗落，好味﹗今晚個 rundown 都係依慣例傳統地遲晒，侍應姐姐手腳又比較慢。本來可以食多兩味送架，依家要一啖倒晒碗翅落口就要急急衝落