Video
Read full review
2011-02-27
1 views
今日lunch冇乜胃口，行過朗豪坊，見到呢間都唔算太肥膩，又唔使等位，就入咗來。坐低當然問waitress攞set menu啦。答曰：“週末冇lunch set”。是為第一悲。ok fine，為咗同老婆過個愉快下午，於是調整下心情繼續睇下個餐牌有啲咩好食。原來套餐都係有既，此為一悲一喜。悲係套餐要加$42，而且餐湯同沙律二選一；喜係原本單嗌飲品就要成40。最後叫咗：北海道蟹柳焗飯升級套餐（餐湯+白朱古力Mocca），松露乜乜Pizza（唔記得咗個名），心太軟遇上芒果（好似係咁叫既）。寫完o野緊係問waitress要杯暖水啦。答曰：“水淨係得支裝既”，並手指餐檯中間的一支樽裝水。我哋望一望個支$16既“神仙水”，異口同聲道：“唔使了”。是為第三悲。呢個時候我好後悔行咗入來，搞到原本大家靚靚既心情都晴轉多雲，就快變陰了。不過老婆大人仲可以發揮大慈悲的本色：“且睇下佢哋究竟有乜能耐可以咁巴閉”。最終既結果就係：食完所有o野，我都可以順返條氣，平靜地買單。以下係幾大驚喜：1）松露乜乜Pizza。50幾蚊當然唔會預佢有成片松露，不過啲松露香味都係非常濃郁，估計係用咗上乘松露汁。但估唔到既係配上W
坐低當然問waitress攞set menu啦。答曰：“週末冇lunch set”。是為第一悲。
ok fine，為咗同老婆過個愉快下午，於是調整下心情繼續睇下個餐牌有啲咩好食。原來套餐都係有既，此為一悲一喜。
悲係套餐要加$42，而且餐湯同沙律二選一；喜係原本單嗌飲品就要成40。
最後叫咗：北海道蟹柳焗飯升級套餐（餐湯+白朱古力Mocca），松露乜乜Pizza（唔記得咗個名），心太軟遇上芒果（好似係咁叫既）。
寫完o野緊係問waitress要杯暖水啦。答曰：“水淨係得支裝既”，並手指餐檯中間的一支樽裝水。我哋望一望個支$16既“神仙水”，異口同聲道：“唔使了”。是為第三悲。
呢個時候我好後悔行咗入來，搞到原本大家靚靚既心情都晴轉多雲，就快變陰了。不過老婆大人仲可以發揮大慈悲的本色：“且睇下佢哋究竟有乜能耐可以咁巴閉”。最終既結果就係：食完所有o野，我都可以順返條氣，平靜地買單。
以下係幾大驚喜：
1）松露乜乜Pizza。50幾蚊當然唔會預佢有成片松露，不過啲松露香味都係非常濃郁，估計係用咗上乘松露汁。但估唔到既係配上Wasabi味沙律醬味道係非常夾。
2）蟹柳焗飯既蟹柳非常可口，可能真係北海道長腳蟹（不過只得2條）。
3）白朱古力Mocca，有種特別香味，比一般普通Mocca好飲。
4）最後不得不提的就係“心太軟遇上芒果”。平時我同老婆都中意食心太軟，但係今次好特別。上碟時心太軟浸在芒果汁中，切開薄薄的外殼，中間暖暖笠笠既朱古力慢慢流出來混入芒果汁中。朱古力和芒果的結合非常完美，甜而不膩，如果你中意食甜品就絕對要試一試。
最後總結：
如果你對服務冇太高要求，只係追求美食既話，呢度都算一個OK既選擇。不過切記來之前要飲多啲水！
Post