吃茶三千 (太古廣場)

Open Now

Now Closed

今次發現吃茶三千推出情人節限定青檸雪芙芒果 X 櫻花果子！清爽嘅青檸雪芙配上香甜嘅芒果，再加埋櫻花果子嘅花香，味道層次豐富，飲落唔會覺得膩，充滿浪漫氣氛！另外叫左凍頂烏龍鮮奶茶加仙草凍，茶底係用萃茶機現場萃取鹿谷凍頂烏龍茶，茶湯散發出濃郁嘅炭焙香氣，飲落茶味濃厚又帶回甘，每一啖都充滿茶香。最特別係，茶飲需要等一陣，但絕對值得，因為係即場萃取，茶味最鮮香。再加上台灣直送嘅仙草凍，唔單止低卡，仲有一啲清涼感，令奶茶更有層次，飲落既順口又唔會過重，係鍾意有茶香又輕盈口感嘅朋友嘅理想選擇！