Simplylife Bakery Cafe (Closed)

情人節無訂台，好彩用app 可以拎位，去左新都會廣場的simplylife慶祝下情人節，通常情人節西餐一定比平日貴好多，但simplylife 晚餐同平日一樣喎，真老實。新都會的simplylife 一邊全是落地大玻璃，全餐廳坐位都望到街景，很舒適開揚。甫坐下，店員即端上幾塊面包，跟著是晚餐番茄湯，味道雖有點酸，可令人更開胃，不算很差。但面包是有D硬有D凍，如果可以軟身D會更好。主菜是燒美國安格斯肉眼扒 .炸著條.燒蘆筍，肉眼7成熟，肉味幾濃，中間夾著油脂，肉質頗嫩，燒蘆筍也好味，新鮮爽口。雖然已經好飽，但情人節當然要叫件cake 啦，我地點左法式綠茶苿莉班戟旦糕，旦糕有淡淡的苿莉味，綠茶味反而唔突出，甜度適中，淡淡的很清新，值得一試。