葫同日式燒肉 (禧利街) (Closed)

情人節同寶寶食飯，都想揀間靚少少，唔太失禮嘅。日式燒肉有我倆嘅特別回憶，所以就成為首選，研究左好幾間，特別排除連鎖集團之後，決定去葫同，因為睇相d 裝修好似幾型。由於灣仔店有min charge，所以最終book 左上環店。不過特別日子佢做兩輪，1830 to 2030 & 2030 打後，所以我book 1900，都係要2030 交枱。準時去到，但由於我遲book，所以係坐bar 枱位，坐都無咩問題，但無位俾你擺背包同袋就煩d，不過佢都幾好，主動幫我雪住件蛋糕。另外見佢都好有人情味，隔離個女仔，一真坐喺到等左男朋友成個鐘，店員都無催佢落單。食物方便，幾好，肉都好新鮮。其實佢d 組合好易捉，基本上係食材+椒鹽/鹽蔥/烤肉醬，任君三選一。我地三種配料都有試，基本上係各有特式，都好味，如果一定要三選一，我會話我無咁鍾意椒鹽。食材方面，牛舌同牛胸脊都好正，豬五花就可以不試，另外個燒飯團都好有特色。強烈推介喜歡日式燒肉嘅你和他去試，但最好預早訂位，因為真係得幾張枱架咋。