Okapi (Closed)

間唔中我都鍾意食吓西餐，不過食西餐一定要配合環境，如果唔係感覺就有可能變咗食快餐，咁啱有間餐廳邀請我去試菜，去之前上網睇過個環境都唔錯，本住一試無妨嘅心理應邀去食呢一次嘅比利時菜，同大家一齊睇吓有無驚喜先........干邑龍蝦湯：賣相同味道都一流，龍蝦肉約有方糖咁大粒度啦，而且都幾足料，配埋麵包食，恰到好處!巴麻火腿伴蜜瓜：如果就咁食巴麻火腿會有ｄ咸，不過夾住蜜瓜黎食，當然可以將甜同咸混埋一齊，感覺都唔錯!當然要講吓個環境啦．．．．有鮮花同蠟燭，如果情侶黎食，再開支酒摸吓酒杯底，聽吓英文經典情歌，傾吓偈都幾Romantic!不過如果趕時間就唔好揀食西餐喇，因為上菜唔算快，一度菜食完先會上一道菜，所以聚會傾偈就最啱!暖美國帶子沙律：呢個賣相就唔錯，不過份量好似太少!黑松露菌露筍天使麵：Angle Hair配黑松露嘅味道就好好味，如果ｄ麵可以軟番少少就更Perfect！焗龍脷蝦慕士卷配魚籽醬忌廉汁：用龍脷魚包住蝦膠黎做卷物，配搭算新穎，個底仲有ｄ薯蓉托住，食到呢一味我已經飽咗九成喇!甜品有彩色啫喱同檸檬慕士蛋糕，我比較欣賞啫喱，因為佢一層層唔同嘅顏色，令人覺得好開心，而檸檬慕士蛋糕就有ｄ