首首.韓式小館 (Closed)

在利東街看見這間餐廳，戶外有座位，裝修有情調。入到去先知道原來係韓國餐廳。認真來說香港嘅韓國餐廳除咗韓燒、韓式炸雞之外，真係做韓國菜嘅餐廳不多, 而且仲要係有情調食物有質素嘅韓國菜. 前菜當然有泡菜. 香煎韓式薯仔脆餅，呢個好好食，香脆嘅薯仔餅，薯仔切絲再差成餅，零舍有口感. 再有汁俾你點，錦上添花。韓式辣醬汁炆銀鱈魚配韓國根莖蔬菜，原來下面啲蔬菜有幾樣，薯仔、蘿蔔、筍、蓮藕。係Menu上菜名旁有兩隻辣椒，原先以為會很椒，原來都係少少，比起前菜泡菜不算什麼。叫咗杯啤酒，係甜甜地的。樓上仲有得坐，這晚就見到公司包場。