Olive Cafe (新領域廣場) (Closed)

餐廳位置頗為隱蔽，就係行緊去8咪半商場既途中見到，店面裝修幾有情調，而且價錢唔貴，一於去試下。沙律同餐湯係自助形式，只要惠顧套餐，就可以任飲餐湯同任食沙律。卡邦尼意粉意粉軟硬度適中，醬汁非常creamy，完完全全地沾滿每條意粉，味道很好。瑪格麗特薄餅薄餅份量大，鋪滿芝士，餅底夠薄，邊夠脆，中間軟熟，質素非常高。炸芝麻雞翼雞翼外皮炸得夠脆，內裡仲保留肉汁，配埋沙律醬食，非常惹味。值得一讚既係，店員服務態度非常好，亦好友善，見我手拎住沙律，好主動咁幫我裝餐湯，仲幫我拎埋位，仲要係免收加一服務費。