Video
Read full review
2023-08-10
63 views
尼間岩岩新開冇耐，位於黄金海岸嘅omakase定價合理，公司仲要有優惠，所以去咗試😝😝佢分左omakase同teppanyaki 2邊，星期一嚟到，估唔到坐滿晒晒！可見人氣高企💕我同朋友2人叫左: 特選晚市鐵板燒廚師發板套餐【秋】$998⭐️ 沖繩水雲配酸汁炎炎夏日，食酸酸地水雲作為頭盤，好清爽，同埋即刻提升晒食慾。⭐️ 北寄貝蒸蛋蒸蛋用左貝殼裝住，成為最貼切嘅容器，面頭有爽口彈牙的赤貝，蒸得啱啱好，蒸蛋口感滑捋捋，其實冇乜調味，但係海鮮嘅鮮味成為最佳嘅調味料！⭐️ 金鯛立鱗燒🐟個皮脆卜卜，肉質紮實，好有咬口，下面仲有牛油果醬，口感更加豐富。⭐️ 大虎蝦大虎蝦🦐爽口彈牙，先用蒜蓉煎香，再用蝦膏去炒，鮮味十足！！⭐️ 法國鵝肝鵝肝好厚，滿足晒舌頭嘅慾望，啖啖鵝肝油香比下面好脆口嘅多士吸哂，另外仲有紅酒蘋果，可以解膩！！⭐️日本空運A5+和牛日本和牛🐮油脂分布平均，燒緊嘅時候真係勁香，我哋嗌五成熟，燒得啱啱好，肉質軟腍腍，旁邊有淡雪鹽同芥末可以沾黎食，都比較少見，另外仲有用魚籽釀入蘑菇作為伴碟😚⭐️湯品湯都勁有驚喜，唔係常見嘅麵豉湯，而係用鯛魚煲出嚟嘅湯，好鮮甜😋⭐️櫻花蝦炒飯炒飯炒得夠乾身，粒粒分明🍚入
尼間岩岩新開冇耐，位於黄金海岸嘅omakase定價合理，公司仲要有優惠，所以去咗試😝😝佢分左omakase同teppanyaki 2邊，星期一嚟到，估唔到坐滿晒晒！可見人氣高企💕
我同朋友2人叫左: 特選晚市鐵板燒廚師發板套餐【秋】$998
⭐️ 沖繩水雲配酸汁
炎炎夏日，食酸酸地水雲作為頭盤，好清爽，同埋即刻提升晒食慾。
⭐️ 北寄貝蒸蛋
蒸蛋用左貝殼裝住，成為最貼切嘅容器，面頭有爽口彈牙的赤貝，蒸得啱啱好，蒸蛋口感滑捋捋，其實冇乜調味，但係海鮮嘅鮮味成為最佳嘅調味料！
⭐️ 金鯛立鱗燒
🐟個皮脆卜卜，肉質紮實，好有咬口，下面仲有牛油果醬，口感更加豐富。
⭐️ 大虎蝦
大虎蝦🦐爽口彈牙，先用蒜蓉煎香，再用蝦膏去炒，鮮味十足！！
⭐️ 法國鵝肝
鵝肝好厚，滿足晒舌頭嘅慾望，啖啖鵝肝油香比下面好脆口嘅多士吸哂，另外仲有紅酒蘋果，可以解膩！！
⭐️日本空運A5+和牛
日本和牛🐮油脂分布平均，燒緊嘅時候真係勁香，我哋嗌五成熟，燒得啱啱好，肉質軟腍腍，旁邊有淡雪鹽同芥末可以沾黎食，都比較少見，另外仲有用魚籽釀入蘑菇作為伴碟😚
⭐️湯品
湯都勁有驚喜，唔係常見嘅麵豉湯，而係用鯛魚煲出嚟嘅湯，好鮮甜😋
⭐️櫻花蝦炒飯
炒飯炒得夠乾身，粒粒分明🍚入咗櫻花蝦，更加有香味
⭐️焦糖薄脆多士
慢火煎香，甜甜地，好靚¬
⭐️抹茶雪糕
另外壓軸登場嘅仲有魚子醬，好奢侈😆入口有奶香味💞
Post
