燒烤堂 (Moved) New Location

估唔到九如坊呢到都有間燒烤店。店舖招牌唔多起眼。但絕對值得嚟試。燒烤/串燒店大家可能會諗起酒吧或者成間食店都係煙。但呢間食店絕對唔係以上兩種。店舖舒適整潔。絕對啱晒同朋友嚟食嘢吹水。蒜蓉燒茄子。茄子燒完唔乾身加埋蒜蓉係上面。唔需要再加啲咩特別調味料已經好好食。牛舌，外脆內軟。內面保留大量肉汁。牛魔王絕對唔能夠錯過。芝士年糕，芝士控必試，個人感覺唔點練奶會好食啲。鵝肝多士。呢個一定一定一定要試。充滿驚喜。鵝肝本身配多士已經好好食。呢度仲要加埋牛油係多士入面真係好好食呀！衰鬼。以上呢四種食物我覺得必試。其他食物都ok。但要推介我會推介以上四種食物😂