林太叻沙xo魚湯米綫專門店 (Closed)

最中意去D正常行街冇可能見到既隱世食店，間中會博到好似呢間咁高水準，最緊要係冇人知，唔駛等位!.....LOL咁人地牌頭叫林太叻沙就梗係食叻沙就冇死啦，叫左個大既叻沙炆米，香味十足，但都幾辣，5個辣係最辣既話佢都有3個辣!不過辣得好過癮，食完好想再食。試一間食店除左試招牌菜，第二當然就係大廚推介，大廚介紹我食蝦醬雞鎚，啖啖肉非常正，每一啖都食到蝦醬味，係心機之作，唔怪得大廚大力推介。呢度冇檸茶檸水，飲左杯龍珠茶，都相當唔錯。