八時神仙草 (歌賦街)

Open Now

Now Closed

呢間嘢喺九記牛腩隔離，一間台灣人主理嘅餐廳。今次經過只係好奇入去試吓，點知非常之有驚喜。首先要讚一讚呢度嘅抹茶係非常之出色，大家嚟到一定要試吓，個人認為係可以比得上tokyo matcha， 非常之有口感同埋濃。沙冰方面都非常之有特色。芒果味係必試嘅。 芋圓比較一般，不詳細介紹。整體而言都係一間非常之有特色嘅小店，作為飯後甜品嚟講呢間餐廳起碼都會有8-9分，非常推薦大家食完飯仲想有下場嘅話就過嚟呢度慢慢坐。 高質素嘅選擇。