Lagom Kaffe (Closed)

週年紀念通常都被某人遺忘，今年居然有意外驚喜，訂咗個好方便嘅野餐套裝。享受咗個悠閒又寫意嘅下午，感受到滿滿嘅誠意，好sweet呀！先去店舖攞野餐盒套裝，再行幾分鐘到海濱長廊，搵個草地上有樹蔭嘅位，再鋪埋店家提供嘅野餐墊，(好大張夠2人躺臥)擺好食物，慢慢嘆沙律材料新鮮爽脆，配埋蜜糖芥末醬好開胃。生果新鮮又好味牛角酥口感豐富，芝士好香夾埋薄豬肉，好好味呀！酥皮盒釀滿吞拿魚，食落好滿足。牛油果三文治又香又軟，食極唔厭嘅口味。另一份三文治滿有咸香，仲有三文魚籽裝點，巧吸引。伯爵茶芝士蛋糕軟滑香濃，雖然其貌不揚，但唔錯喎。柑橘檸檬草白啤酒好飲呀！清清哋有飲香檳嘅感覺，氣氛提升不少，正。紅莓蜜桃馬卡龍味道清新又香甜芝麻司康好香焙茶味，點埋焙茶醬仲好味。玫瑰荔枝蝴蝶酥，淡淡花香，口感不錯。士多啤梨麻糬吐司，煙煙韌韌好特別。過左好開心又浪漫嘅一日原來客人安裝Lagom Apps，就可以預訂呢個野餐套裝啦。不過下面嘅用品係要還架：托盤、餐具、酒杯、乾花、藤籃、野餐墊tag埋藍妹 @bluegirlbeer每一日都有唔同嘅禮物送出，我哋當日免費拎左4枝啤酒。