Co-Dining Space (Closed)

放假日就最鐘意四海搵野食，除左會上網搵美食之外，其實平時行街見到間餐廳幾特別，都會想試試，果日同個朋友經過流尚城見到餐牌俾佢吸引左，就入去試試佢。餐廳內外位於11樓，門口貼住日本電影海報，唔知點解突然有啲回到中學時期既感覺，因為中學果期真係好興日本潮流。室內環境係行緊依家大熱既小清新路線，安排好坐位俾我地之後，就會倒杯有檸檬水俾客人。食物選擇有SET提供，不過睇完餐牌之後同朋友夾左散嗌啲野黎試下！主菜--美式燒春雞配燒汁 $188由店員拎黎既時候已經聞到佢既香味，薯蓉+燒春雞+燒汁，超級搭既組口，春雞事先幫我地分好一半，一啖雞肉配一啖薯蓉，好夠飽，雞肉嫩滑香口，令人一口接一口，再配上一口薯蓉，超夾！  主菜--麵包蟹意大利飯 $228原隻麵包蟹蓋上，意大利飯煮得岩岩好，煙煙韌韌有咬口，再配上勁濃既芝士+黑松露醬汁，濃郁幼滑既口感令人一試難忘！由於朋友好細食既關係，基本上野食都係我負責包尾，覺得食物質素唔錯，而且店員服務態度都好細心殷勤，會主動埋黎加水執枱，就算我地食晒d野，坐喺到傾下計都唔會催你走，感覺好舒服自在。