Video
Read full review
2022-09-16
59 views
古早味蛋糕開到成行成市，但係數到出名戈幾間，深水埗依間《囍源》一直都保持住人數，連藝人都會專程去幫襯。全因佢地用台灣最正宗嘅方法去製作蛋糕。台灣傳統會用「水浴法」去烘烤，蛋糕會經過水蒸氣滋潤所以保持到水份，同出邊坊間嘅海綿蛋糕一啲都唔同，亦都需要多啲時間去複製而成！真係唔怪得知佢哋喺OpenRice好評如潮，特登入去深水埗試一試睇吓係咪咁正先！當時第一次食到佢哋嘅蛋糕真係內在特別濕潤同埋無燶邊，而且仲係好鬆軟，唔會食食吓口乾，而且擺咗第二日都非常之好食😋款式配搭好多，可以客製化自由配搭口味配料，同埋佢蛋糕面印啲咩圖案，喺口味上面真係做到出奇入化，想知佢哋有啲咩新口味亦都好多可以留意番佢哋社交平台睇吓佢哋有啲咩新味道，有好多味道都好創新好特別，仲可以喺蛋糕表面加入字體同埋圖案，超過60種味道同埋配料可以選擇。面粉就採用日本麵粉，所以做工同埋成本一啲都唔抵。Oero 朱古力味$80朱古力好濃郁，因為比例比較高，我個人好鍾意佢地after taste帶有少少朱古力嘅苦味。同埋佢地唔會太甜嘅原因係糖放左份蛋白度，同埋面頭會灑上朱古力粉，十分推介。芝士肉鬆味 $75食完個甜嘅，當然想食返啲鹹嘅嘢
當時第一次食到佢哋嘅蛋糕真係內在特別濕潤同埋無燶邊，而且仲係好鬆軟，唔會食食吓口乾，而且擺咗第二日都非常之好食😋
款式配搭好多，可以客製化自由配搭口味配料，同埋佢蛋糕面印啲咩圖案，喺口味上面真係做到出奇入化，想知佢哋有啲咩新口味亦都好多可以留意番佢哋社交平台睇吓佢哋有啲咩新味道，有好多味道都好創新好特別，仲可以喺蛋糕表面加入字體同埋圖案，超過60種味道同埋配料可以選擇。面粉就採用日本麵粉，所以做工同埋成本一啲都唔抵。
Oero 朱古力味$80
朱古力好濃郁，因為比例比較高，我個人好鍾意佢地after taste帶有少少朱古力嘅苦味。同埋佢地唔會太甜嘅原因係糖放左份蛋白度，同埋面頭會灑上朱古力粉，十分推介。
芝士肉鬆味 $75
食完個甜嘅，當然想食返啲鹹嘅嘢中和返。面頭嘅肉鬆有鹹香味，中間滿滿嘅芝士層，好足料，食落蛋糕亦都好鬆軟。又咸又甜咁即係食到停唔到口。
斑蘭味$70 （骯髒面+$15）
綠色嘅斑蘭味，帶少少甘甜。因為係送人嘅關係，所以特別加咗骯髒面。上面會放滿朱古力粉、朱古力醬、朱古力脆脆，工序都幾繁複，可以增加一個口感味道同層次，所以好建議加埋。
Post
