Lilium

Open Now

Now Closed

Lilium 位於距離鰂魚涌地鐵站只係5分鐘路程嘅海光苑地下，店內裝潢簡潔中帶點小清新，仲有一排整高枱打卡一流📸📸Lilium 主打台式菜，早餐、午餐、下午餐都有唔少選擇，而且價錢十分相宜，下午茶餐都只係由$30 起，仲包餐飲，真心超級抵食😆😆紅燒牛肉牛丸米粉麵底可選新竹米粉、冬粉、台灣麵🤗🤗我就揀咗新竹米粉，幼身嘅米粉掛湯力都唔錯。湯底淨係睇顏色已經知道相當足料正宗，飲完亦唔會覺得涸喉。紅燒牛肉超級腍，輕輕用筷子一夾已經可以分成細細舊，另外唔好睇牛丸賣相普通，佢咬落去完全係爆汁，超級Juicy🤤🤤飲品就加咗$10升級蘋果西打，原來係一樽樽而唔係調製出嚟。整體而言真係好似去咗台灣咁🤭🤭