The Little Corner (Closed)

大熱天時，口淡淡，梗係要嘆番杯雪糕啦😉呢度地方雖小，但都幾乾淨，令人食得放心。好想試呢度既豆腐雪糕，但可惜今日無，唯有下次再試，今次試其他先。本身係綠茶迷，所以梗係要叫返個綠茶味雪糕啦。宇治綠茶雪糕 $32食親抹茶雪糕，最怕就係奶味太重，呢個濃濃抹茶味，唔會重奶味，食多兩杯都唔覺肥膩。桑莓啤酒雪糕 $43平時極少飲啤酒，但啤酒雪糕甘特別梗係要試下啦。食落濃濃啤酒味，但放心唔會令你醉，幾驚喜，比想像中好食。差唔多食完之制，先見到旁邊有充電位，幾貼心。