和匠日式燒肉店

Open Now

Now Closed

跟朋友去試燒牛同海鮮，佐敦港鐵站出，行幾分鐘就到。和匠，門面好和風日式感覺。餐牌多選擇，見到以牛同海鮮為主，有好多套餐選擇。先叫胡麻醬豆腐沙律$62，蔬菜新鮮。之後叫了小食，芥末八爪魚$48，好煙韌醒胃，仲有韓風泡菜$38，大白菜爽脆微辣。到主角Prime小牛排$138，同牛角切$168，表面睇脂肪分佈均勻，燒時反一次燒至外脆梗熟，點柚子醋，咬下油香滲出味道豐厚，醋可減輕肥膩感，入口即溶的口感。之後到重頭戲海鮮，先有日本產帆立貝$88@2隻，有牛油黑松露調味，燒完一邊在殻上反另一邊，好大隻鮮甜。出名的緬甸大虎蝦$260@兩隻，超大隻，肥美，劏開睇位置，燒四邊，爽口蝦肉，點燒汁醬。再燒豚腩肉$80，燒到大部分肥油滲出，肉質脆口。最後再叫海膽炒飯$108，一大舊海膽，先食，鮮甜甘香，飯底有爽口蝦仁，珍珠米飯圓粒粒，乾身唔黏口。