升哥點心 (Closed)

係樓下搵食，見到間開左唔係太耐既點心鋪，環境都幾舒服，就同家人入去試一試。餐廳的點心選擇頗多，有些較新式，亦有傳統的點心。水滾茶靚，試一試蕎麥茶，味道較清而茶色呈淺綠。老火燉靚湯相當高質，內裏有很多湯料，十分足料。味道亦清甜香濃，完成沒有味精味，十分超值。籠仔鳳爪排骨飯幾傳統的一個點心，飯粒蒸得飽滿，水份剛剛好，可惜沒有荷葉味。份量很大，排骨多肉，製作認真。別有洞天脆皮腸賣相十分吸引，內裏有蝦肉，菜，粟米等打成蓉，感覺新穎，可惜味道不是太突出。泰式炸蟹鉗味道十分好，配上泰式甜酸汁，帶出海鮮的鮮味。整體十分推介靚湯和籠仔飯！價錢實惠，作為街坊會再來幫襯！