見見面 (Closed)

放工同唔食得辣嘅朋友食晚飯，試試呢間人氣川菜。今次食小菜膽粗粗叫小辣，辣度比想像中低👍🏻。孜然牛肉 $88牛肉肉質軟腍，每塊都鋪滿孜然，香氣濃郁。加埋紫洋蔥、芫茜，味道好豐富。一碗香 $78五花腩、雞蛋加埋青辣椒、紅辣椒🌶️炒成一碟惹味湖南小菜。雞蛋吸收晒甜甜辣辣嘅醬汁同埋豆豉香味，餸飯一流。豉椒花蛤 $98花蛤份量好多，而且隻隻都冇沙。豉椒味道比起平時食到嘅淡少少，反而更食到花蛤嘅鮮味。清炒萵筍 $62清甜美味仲好解辣。紅糖糍粑 $38外面炸得香脆，口感煙煙韌韌。黑糖質地較稀，甜度唔高。有黑糖獨有嘅香氣，但唔會好甜膩。