Video
Read full review
2017-11-30
783 views
今日一家人去沙田拜祭🙇🏻♀️🙇🏻，拜完見到呢間富臨係新開又有好多foodie介紹，平時如果係連鎖式既酒樓，我都無乜期望，但見佢地介紹既蟹黃炒飯係好吸引😍，可惜索價太高(要成六百幾蚊)，所以都係放棄左。見到佢啲點心都好精緻，價錢又好親民，既然黎到梗係要試下！__________🔹洛神金沙紅米腸粉 $38 呢個絕對係我最推既菜式👍🏻👍🏻👍🏻, 包裹係紅米腸粉皮裡面既係炸至酥脆既網油,再裡面係蝦肉, 層層口感, 相當特別同好好食!! .口感同炸兩又好唔同, 雖然都係外軟內脆, 不過因為 網油其實係又薄又脆身, 再包住好似平時蝦餃既餡料, 口感係再豐富D, 佢旁邊仲附有酸酸甜甜既洛神花醬, 更加醒胃同提味!!!.🔹發過豬頭點心拼盤 $68 拼盤有5款點心，好記得一拎上嚟仲係熱氣騰騰分別有三款包點同兩款餃。包點麵包好軟熟，相反餃類嘅皮就有少少厚。.豬豬樣🐽既係紫薯包，個樣好得意天然呆🐷搣開佢有神奇的治癒感😈😈紫薯好香甜🍠，而且份量都幾多。.黑金流沙包同樣都好軟熟，搣開左流出流沙餡，好甜好好食！.粟米樣嘅唔使多講，就係粟米肉粒包，包嘅皮甜甜地，裏面包裹着粟米粒同肉粒既餡，不過無乜驚喜，唔差就係喇.
今日一家人去沙田拜祭🙇🏻♀️🙇🏻，拜完見到呢間富臨係新開又有好多foodie介紹，平時如果係連鎖式既酒樓，我都無乜期望，但見佢地介紹既蟹黃炒飯係好吸引😍，可惜索價太高(要成六百幾蚊)，所以都係放棄左。見到佢啲點心都好精緻，價錢又好親民，既然黎到梗係要試下！__________
🔹洛神金沙紅米腸粉 $38
洛神金沙紅米腸粉
$38
161 views
0 likes
0 comments
呢個絕對係我最推既菜式👍🏻👍🏻👍🏻, 包裹係紅米腸粉皮裡面既係炸至酥脆既網油,再裡面係蝦肉, 層層口感, 相當特別同好好食!! .
口感同炸兩又好唔同, 雖然都係外軟內脆, 不過因為 網油其實係又薄又脆身, 再包住好似平時蝦餃既餡料, 口感係再豐富D, 佢旁邊仲附有酸酸甜甜既洛神花醬, 更加醒胃同提味!!!
.
🔹發過豬頭點心拼盤 $68
發過豬頭點心拼盤
$68
119 views
1 likes
0 comments
拼盤有5款點心，好記得一拎上嚟仲係熱氣騰騰分別有三款包點同兩款餃。包點麵包好軟熟，相反餃類嘅皮就有少少厚。
.
紫薯豬豬包
8 views
0 likes
0 comments
豬豬樣🐽既係紫薯包，個樣好得意天然呆🐷搣開佢有神奇的治癒感😈😈紫薯好香甜🍠，而且份量都幾多。
.
竹炭流沙包
15 views
0 likes
0 comments
黑金流沙包同樣都好軟熟，搣開左流出流沙餡，好甜好好食！
.
真係粟米包
13 views
1 likes
0 comments
粟米樣嘅唔使多講，就係粟米肉粒包，包嘅皮甜甜地，裏面包裹着粟米粒同肉粒既餡，不過無乜驚喜，唔差就係喇
.
❗️❗️黑色隻餃係墨汁鮮蝦餃，墨汁就真係唔好食得出啦，不過裏面啲蝦肉就好彈牙，同埋Mix左黑松露，睇個名完全估唔到，仲要好香好濃松露味，真心好驚喜！
.
綠色嗰隻叫翡翠白玉餃，外皮係加入蔬菜汁打成，裏面就係白菜餡，好食既不過唔太特別。
.
🔹沙田燒乳鴿 $25
沙田燒乳鴿
$25
21 views
0 likes
0 comments
原價＄48隻， 依家新開張優惠$25. 乳鴿一拎上枱已經開咗半，外皮炸得好脆, 再加埋本身乳鴿既油脂香味, 未食都已經加哂分
.
睇返餐牌介紹先知, 原來佢係先醃左隻乳鴿一晚先拎去炸, 唔怪得咁入味多汁.店員話佢地係選用左25日既乳鴿去整, 所以肉質都好嫩!!
.
皮下脂肪唔多, 炸得亦唔油膩!! 真係想食多幾隻, 奈何肚容量有限
.
同埋, 個日有個小插曲就係我想搣左乳鴿脾黎影相, 結果一搣佢入面就爆D汁出黎, 證明真係好多肉汁!!
.
🔹有雞🐔先定有蛋🐣先 $38
有雞先定有蛋先
46 views
0 likes
0 comments
呢個完全係顏值完勝既菜式, 竹盆上放住3隻金黃色既小雞同2隻裝坐"蛋液"既蛋殼
.
3隻雞仔🐥🐥🐥係炸得岩岩好既咸水角, 咸水角既外皮都幾厚幾軟糯, 不過唔知係咪我放左一陣影相既關係, 所以有少少油, 內餡同傳統既一樣, 都係肉碎蝦米
有雞先定有蛋先
15 views
0 likes
0 comments
.
(上網見到有D人隻雞炸到面目全非, 炸得好唔好應該要睇彩數, 好彩我個隻好靚仔, 不過見旁邊幾台有叫既, 都炸得好靚, 不幸既應該係少數)
.
蛋殼裝既係芒果布甸, 裡面雖然無果肉, 不過真心口感好滑, 同好香芒果味!!! 大愛, 唯一可惜係份量mini左D, 一隻大約係2至3口份量
.
🔹鴻圖超脆面🍜 $78
鴻圖超脆面
$78
115 views
0 likes
0 comments
一碟有5件, 每件既size 都係一隻碗既大細, 好容易分之餘(最怕分脆面會碎哂), 脆面因為無咁大餅, 受熱平均D, 真係由外到返內都係咁脆!!! (當然淋左醬汁個D會淋少少, 但都唔會糊埋一堆)
.
外面再淋上蟹黃醬🦀, 蟹黃醬呢係有蟹味既, 不過就杰身左少少, 有少少難掛上D麵上面, 每團麵上面仲有幾舊蟹肉係度, 即刻貴氣左好多
.
其實就唔止食左呢D, 不過真係太長喇, 下回再解說 =P
Post
