爖月串燒居酒屋

Open Now

Now Closed

日式串燒都經常食，位於厚福街嘅呢間近來逢星期一至四仲做緊八折優惠，值得試試。而且食物款式同味道都有啲驚喜，以下幾款特別喜歡。手抓餅海膽蝦卷 - 手抓餅配上海膽同蝦，有fusion嘅意念。海膽味鮮，天婦羅蝦酥脆彈牙，有驚喜嘅菜式。爖月比翼雙飛 - 一向好喜歡食乳鴿，呢度雖然稍為細隻，但仍然做到皮脆肉嫩。一開始已火焰紙包住，再用火槍一燒，變出「比翼雙飛」，幾有心思。和牛蛋飯團 - 面層和牛肉質軟嫩，味道香濃。中間夾住夢王蛋蛋黃，蛋香極濃，係成件事精華所在。連同焦香飯團一齊食，高質。橫隔肌set - 同時試到四款口味，香蒜、蜜糖芥末、日本芥、菠菜汁。橫隔肌幾有嚼口，牛味都濃。提燈 - 雞嘅卵巢同未孵化嘅蛋，聽落唔係個個接受到，但味道同口感確係好不錯。唔係經常有得食，好多時會賣晒。雞腳筋 - 爽脆得來帶點嚼口，最喜歡嘅雞串燒部份之一。蒲燒鰻魚 - 鰻魚肥美，肉質酥軟。醬汁係靈魂所在，調味甜度剛好，配有少許焦香味。明太子燒饅頭 - 煉奶就配得多，估唔到配上鹹香明太子，令燒饅頭別有一番風味。面脆底軟，好食。