御藏 (Closed)

呢間野開左唔算太耐，見佢係國都廣場樓下嗰個位置，好細間，其實睇落都唔多靚仔，行過都唔想幫襯。今次係因為想試下個UberEATS 所以就揀左呢間價位ok嘅試下。叫左個89蚊嘅便當，有大概8款中選2款，8款中有鯖魚，有漢堡扒，有南瓜薯餅，牛肉蔬菜等等可以揀兩樣。另外再配個加州卷。我就揀咗南瓜薯餅同埋牛肉炒蔬菜。牛肉炒蔬菜裏個味道都幾好，另外仲有翠玉瓜，洋蔥同埋椰菜做配菜，下邊嗰個飯係用珍珠米飯。份量大概有正常食飯嘅一碗半左右。另外仲配左一塊薯餅。個薯餅攞到過嚟嗰陣時候都仲係好熱，外層仲脆，好味。另外就叫咗個三文魚甘蝦壽司飯，果份量都幾大，三文魚刺身有大概六片，好肥美。甘蝦就有四隻，好甘甜，都幾好食，認真估唔到。講真如果唔係有呢個新程式，我就真係唔會入去食，但今次試完之後發現佢嘅質素都唔錯，下次自己都會行入去買，係一個幾好嘅選擇。好小外賣有甘嘅質素，仲有就係送貨時間，整個過程15分鐘唔使，仲要係食飯嘅繁忙時間，抵讚！