瑞樵閣

Open Now

Now Closed

有緣地上星期撞到十幾年無見既朋友仔，今晚相約出黎食餐好既，順道聚聚舊啦 ﹗我又好耐無黎半島，日日做到手無停，氹吓自己開心都要啦！又無卡位坐，上次又係咁，unlucky 呀 ﹗坐對家講野唔方便。望望個 menu 似乎同以前大同小異，菜色都係差不多。矣？﹗今晚有 seasonal 既 menu 喎 ﹗梗係 order 依啲啦，正呀 ﹗唔係成日都有得食。唔掙在順便睇埋個 desert menu 啦，預計今晚都會 order 架喇。麵包籃，味道依舊無變，麵包味超級香濃，聞得到既新鮮 ﹗不同既口感，有香脆、有嚥韌、有鬆軟，當然全部都一件不漏比我地消滅晒啦，加上牛油或欖油黑醋非常美味 ﹗蟹肉班戟配龍蝦汁 Crêpe au crabe, cappuccino à l’homardine et Armagnac，黎 Chesa 晚餐咁多次，重來未捨棄過依道菜，每次都會由佢做 opening 既主角 ﹗香濃味美，色香味俱全樣樣齊 ﹗鮮蟹肉香甜鮮味又多汁，用充滿蛋香而滑溜既班戟卷住，倒上幼滑濃郁既龍蝦汁，個個都話好味啦 ﹗煎鵝肝跟欖油黑醋，絕對係高水準既烹調 ﹗鵝肝外層煎得香脆鬆化，但內面依然保持半凝固狀