Zenon Café

Open Now

Now Closed

去了上環取完證件，揾地方吃晚餐，見到apps 有優惠即管來試，原來地點好方便喺威零頓斜坡麥奀記附近。鋪頭面積不大，餐牌款式都不算好多，老闆娘極力推介晚餐，湯和飲品可以無限添加，跟朋友聚會就非常值得。飲品好得意，會用不同形狀動物水泡載住，好打卡。煎鴨胸意粉炒得非常到位，鮮魷魚墨魚汁意粉，不會太多汁或乾，比較欣賞，點了牛肉漢堡，五成熟度控制得宜，主菜的斧頭豬扒都做得很惹味。當然不少得甜品，餐牌幾款甜品都叫，心太軟做得不太甜，格仔夾餅配醬汁好吃。貴精不貴多食物質素卻很有驚喜，店舖已開業很多年，老闆娘用心介紹吃飲，非常熱情有禮。希望大家行過都幫襯用心經營的一間西式小店。