Video
Read full review
2016-07-22
4247 views
一班同學仔在農莊玩完一日，包車先去醫肚，呢度係個媽咪食過話好，晚飯要預訂，唔可以walk in, 去到見係間比較舊式嘅菜館，好多係大枱，比咗兩大張枱我哋，靠近落地玻璃窗，可以睇到泳池！店員會先比橙汁，大家到齊叫起！豪華合家歡全包宴：潮日5小碟拼盤：青瓜辣辣的爽脆，海蜇彈牙，雞腎都係辣嘅，有咬口偏硬！雲耳彈牙，不過唔夠酸，唔惹味，鴨胸全瘦不過唔嚡，肉質爽口！好味！海龍王鮑魚翅湯（佛跳牆）：啲湯好清，味道香濃，不過見到嘅湯料唔多，翅都係得幾條！感覺像清雞湯！川芎元肉杞子桑拿蝦：好得意嘅上枱方式，錫紙托起中蝦，店員上枱時在錫箔紙拮幾個窿，啲湯汁流到鍋底冒出蒸氣，好像表演，中蝦爽口，味道鹹鹹地，有啲中藥味道，不過唔重！好味蝦子鮑片金錢發財：金錢即係冬菇，發財即係生財，冬菇厚肉，炆得淋身入味！生菜爽脆，不過切得太大棵，蝦子有鹹香味道，鮑片彈牙但我覺得味道一般喜喜洋洋新疆火焰羊架：著住火上枱吸睛，不過好快熄滅，羊架砌到好像一朵花，羊架肥美，醃得入味，新疆醃料惹味！羊肉唔膻！好味！，芝士百花釀蟹蓋燴元貝（伊麵底）賣相好搶，蟹蓋好細，釀嘅係雜菜肉碎，一般，元貝係雪藏貨，雖然大隻，不過肉質好木！芝士汁雖
去到見係間比較舊式嘅菜館，好多係大枱，比咗兩大張枱我哋，靠近落地玻璃窗，可以睇到泳池！店員會先比橙汁，大家到齊叫起！
豪華合家歡全包宴：
潮日5小碟拼盤：青瓜辣辣的爽脆，海蜇彈牙，雞腎都係辣嘅，有咬口偏硬！雲耳彈牙，不過唔夠酸，唔惹味，鴨胸全瘦不過唔嚡，肉質爽口！好味！
海龍王鮑魚翅湯（佛跳牆）：啲湯好清，味道香濃，不過見到嘅湯料唔多，翅都係得幾條！感覺像清雞湯！
川芎元肉杞子桑拿蝦：好得意嘅上枱方式，錫紙托起中蝦，店員上枱時在錫箔紙拮幾個窿，啲湯汁流到鍋底冒出蒸氣，好像表演，中蝦爽口，味道鹹鹹地，有啲中藥味道，不過唔重！好味
蝦子鮑片金錢發財：金錢即係冬菇，發財即係生財，冬菇厚肉，炆得淋身入味！生菜爽脆，不過切得太大棵，蝦子有鹹香味道，鮑片彈牙但我覺得味道一般
喜喜洋洋新疆火焰羊架：著住火上枱吸睛，不過好快熄滅，羊架砌到好像一朵花，羊架肥美，醃得入味，新疆醃料惹味！羊肉唔膻！好味！，
芝士百花釀蟹蓋燴元貝（伊麵底）賣相好搶，蟹蓋好細，釀嘅係雜菜肉碎，一般，元貝係雪藏貨，雖然大隻，不過肉質好木！芝士汁雖然杰，不過芝士味唔夠濃，伊麵唔夠滑，如果用天使麵會好味啲！整體一般！
春回大地爆大雞（霸王雞）：我食雞胸肉，（因為唔鍾意雞髀中央鮮紅色嘅骨）肉質唔算滑但正常，蔥絲加醬汁鹹鹹地好味！唔係雞特別出色，係煮法好味！
醬爆松茸野什菌扒碧綠：什菇炒菜，什菇兜一兜，質地仲彈牙，西蘭花索晒啲汁，咬落爽脆！好味！
清蒸鴻運大海班：係少有蒸到剛好離骨，而且肉質幾滑，最好味係配嘅甜豉油，加上爽脆蔥絲！我平時唔好魚都食咗兩大塊！香江黃金裹蒸稯：見到係稯以為好滯，其實係煎得香脆嘅糯米片，外脆內煙韌！QQ幾得意！
玉面飛龍黃金甲：個名好勁，實際只係什菜炒麵，
炸過嘅麵底卜卜脆，淋咗湯汁都無淋，醬汁幾滑，加上爽脆嘅蔬菜！椰菜同蘿蔔絲好爽！肉絲正常
南瓜椰汁珍珠燉官燕：南瓜橙色幾靚，入面嘅西米唔多，官燕更加見唔到，唔知係唔係煲溶晒！味道清甜，質地幾滑！
生果拼盤：只係切橙，不過好甜，係食完糖水都覺得甜！
橙汁一渣：好大一樽，橙汁夠凍，雖然唔係鮮橙汁，味道都唔假！
餐點好大份，有啲菜色幾特別！出面都未食過！最矚目係第二枱客嘅超大龍蝦蕃茄鍋，5隻大加拿大龍蝦，個鍋仲大過臉盆！好誇張，問咗店員，套餐可以減菜色，再加錢要呢個餸（價錢取決減邊款菜色）店員有禮，非常包容，因為小孩子多，比較論盡，打瀉3次果汁都無黑面！即刻攞毛巾處理！解問我哋對菜色嘅疑問好詳盡！
Post
