大四喜冰室

Open Now

Now Closed

去這新店第一次晚餐，想吃鐵板餐，新張期仲有七折優惠，喜歡吃扒的我，一定要試下啦～牛扒鐵板餐，牛扒真係無鬆肉粉的味道，唔會好似食腐肉咁，生熟程度剛剛好，新鮮即炸的薯條超級熱，要慢慢食，加上甜甜地嘅粟米粒，比起那些大型連鎖店的鐵板餐，簡直無得比，加上優惠期間，直得一試。另外，叫咗個香茅豬扒飯，豬扒都一樣無鬆肉粉味道，值得一讚，不過，個人不太喜歡那些乜乜鮮醬油的味道 ，店員話係自家調配的醬汁，可能配方中有那款鮮醬油，如果轉普通豉油汁就完美喇。至於飲品，我就叫咗凍檸茶少甜少冰，水準幾好，起碼做到我要求的，因為好多食肆都做唔到，唔係啲冰唔駛錢，就係啲糖唔駛錢，一係無茶飲！一係甜到死！未去過這店舖的，可以一試，支持下這些小店。