木衛二鑄茶所 (怡和街) (Closed)

係老虎堂旁邊，都有一間來自台灣的飲品店「木衛二 香港 鑄茶所」，有別於一般飲品店嘅環境，裝修絕對係文青茶飲店。其實就係lady grey latte～第一啖飲落去比較淡，不過越飲越驚喜。茶味同回甘係會留係口腔入邊，越黎越濃郁，唔似一般台式奶茶，飲完都唔知飲緊咩。本來以為手沖現泡茶係係雪櫃拎出黎嗰啲，點知原來一啲都唔簡單！係店外可以睇住台灣高級鑄茶師親手沖泡，此店對茶飲有一定堅持。拒絕用泡茶機沖茶，更特設即叫即沖茶葉專區，用台灣嘅高山茶葉，再用紫砂茶壺沖泡多次，茶飲醇厚。由於即叫即沖，需要15分鐘製作，但絕對值得，外面無一間茶飲店有呢一份心機！