MOMO

Open Now

Now Closed

中式餃子食得多，尼泊爾餃子真係比較少食。呢個小店位於天水圍新北江商場，主要都係做外賣為主，主面都係放到1-2張枱。🥟蒸雞肉餃子(10隻) $45★★★★☆雞肉餃會包做圓形好似小籠包，外皮同一般餃子皮唔同係半透明，食落煙煙韌韌好特別，有啲似中式粉裹皮咁，最有驚喜係個雞肉餡，已經係雞肉泥質感，完全唔鞋仲好JUICY爆汁。而佢個辣汁都好正，食落個味道有層次，食得出有幾款調味料，但唔會太勁頂唔住。🥟香煎豬肉餃子 $50★★★★☆豬肉餃子係半月型，同我地平時食開餃子差唔多，係食開亦係熟悉同認知嘅味道，冇雞肉蒸餃咁驚喜。餃子即煎脆口，但可能炸嘅會更香口。🌟總括：雞肉蒸餃有驚喜，呢間絕對會再ENCORE！下次再試埋佢其他野食。