Video
Read full review
2017-05-04
231 views
當周街都係xx骨湯底既時侯，呢間舖用既湯底係魚－鰹魚。唔知鰹魚係乜黎？鰹魚即係我地成日講既木魚／柴魚，好常用黎做高湯既材料。今次我自己揀左「鰹の一滴」湯底，女朋友就揀左「黑の一滴」(即係加左黑松露醬)。「鰹の一滴」湯底：望落好似有啲油咁，但實際上非常清甜，飲得出係用大量鰹魚熬製出黎，用精華黎形容果種甜味都不為過。麵條硬度適中，而且能夠充分掛湯，令食麵既時侯，湯底既甜都能夠滲透口腔。「黑の一滴」湯底：當呢個香港充斥住黑松露，芝士，綠茶，呢3種食材無限LOOP當新野，我已經對黑松露既野冇咩感覺。當碗麵上檯果陣，我有啲驚訝，因為果pat黑松露都幾多下。不過最驚訝既係撈埋鰹魚湯之後既味道由於我已經飲左「鰹の一滴」既湯，我預計「黑の一滴」都只係多少少黑松露味。點知一入口，哇，啲黑松露味掩蓋唒鰹魚湯既鮮味。當我正想講粗口表達我既不滿既時侯 (我好著重每種食材既原味)，鰹魚湯既清甜慢慢滲番出黎。估唔到個黑松露醬令到呢個鰹魚湯昇華到另一個層次，仲搞到我越飲越想飲。(坊間太多加入黑松露後令食材原味變淡既例子啦….)雖然「黑の一滴」實在好正，不過未飲過「鰹の一滴」，好難感受到果種昇華左之後既味蕾衝擊，所以
今次我自己揀左「鰹の一滴」湯底，女朋友就揀左「黑の一滴」(即係加左黑松露醬)。
「鰹の一滴」湯底：望落好似有啲油咁，但實際上非常清甜，飲得出係用大量鰹魚熬製出黎，用精華黎形容果種甜味都不為過。麵條硬度適中，而且能夠充分掛湯，令食麵既時侯，湯底既甜都能夠滲透口腔。
「黑の一滴」湯底：當呢個香港充斥住黑松露，芝士，綠茶，呢3種食材無限LOOP當新野，我已經對黑松露既野冇咩感覺。當碗麵上檯果陣，我有啲驚訝，因為果pat黑松露都幾多下。
不過最驚訝既係撈埋鰹魚湯之後既味道
由於我已經飲左「鰹の一滴」既湯，我預計「黑の一滴」都只係多少少黑松露味。點知一入口，哇，啲黑松露味掩蓋唒鰹魚湯既鮮味。當我正想講粗口表達我既不滿既時侯 (我好著重每種食材既原味)，鰹魚湯既清甜慢慢滲番出黎。估唔到個黑松露醬令到呢個鰹魚湯昇華到另一個層次，仲搞到我越飲越想飲。(坊間太多加入黑松露後令食材原味變淡既例子啦….)
雖然「黑の一滴」實在好正，不過未飲過「鰹の一滴」，好難感受到果種昇華左之後既味蕾衝擊，所以我都好建議大家兩樣都試，當然係試左「鰹の一滴」先啦。
至於拉麵既其他部分，蛋大約30~40%熟，可能浸泡既鰹魚汁比較濃，我覺得比其他拉麵舖更好食。而叉燒就正常味道，唔嚡口。
Post