Video
Read full review
2018-03-06
569 views
呢餐真係我近年食過最難食既一餐，一時大意以為係我想食好耐既雲貴川，入到去掃一掃食評就知中伏，但坐低左就照食啦。叫法都幾特別，第一步係揀麵款，第二步係揀湯底，最後揀配料，麵款同配料都逐項收費，唔似譚仔咁包一款餸。揀左有芽菜、酸菜、莖菜、蔥同芫茜既小鍋紅薯粉 ($31)，麻辣小辣 (揀麻辣或酸辣先有辣肉碎)，配豬軟骨 ($7)同竹笙 ($7)，共$45。第一啖試個湯底就覺得似酸辣多d，因為配料入面酸菜都比較多，我都分唔到係加入配料時染左酸味定本來個湯已經用左酸菜去煲，總之唔似麻辣，令我好疑惑，既然default係酸辣，咁就唔好扮俾我揀啦。 麻辣小辣亦都完全唔麻唔辣，同譚仔十小辣差不多。紅薯粉算係煙韌，但同芽菜比例係一比一，份量偏少。 豬軟骨炆得唔夠軟腍，普通瘦肉咁，都幾入味；竹笙幾厚，兩款配料都有幾舊，可算足料。 老實講呢碗麵味道就正正常常，但小食就世界級喇。口水雞 ($42)我預期會係香辣室溫既雞，首先個醬汁唔辣偏稀、變左黑醋味，都唔緊要。 一啖咬落去竟然超凍硬硬地有d冰？！ 雞已經有少少乾硬化，連雞皮都有少少巢皮同乾旱，完全幻想到係由冰格拎落黎、未退哂冰就夾硬斬開淋汁上菜，見到雞骨仲有
叫法都幾特別，第一步係揀麵款，第二步係揀湯底，最後揀配料，麵款同配料都逐項收費，唔似譚仔咁包一款餸。
揀左有芽菜、酸菜、莖菜、蔥同芫茜既小鍋紅薯粉 ($31)，麻辣小辣 (揀麻辣或酸辣先有辣肉碎)，配豬軟骨 ($7)同竹笙 ($7)，共$45。
第一啖試個湯底就覺得似酸辣多d，因為配料入面酸菜都比較多，我都分唔到係加入配料時染左酸味定本來個湯已經用左酸菜去煲，總之唔似麻辣，令我好疑惑，既然default係酸辣，咁就唔好扮俾我揀啦。 麻辣小辣亦都完全唔麻唔辣，同譚仔十小辣差不多。
豬軟骨小鍋紅薯粉
$45
37 views
0 likes
0 comments
紅薯粉算係煙韌，但同芽菜比例係一比一，份量偏少。 豬軟骨炆得唔夠軟腍，普通瘦肉咁，都幾入味；竹笙幾厚，兩款配料都有幾舊，可算足料。 老實講呢碗麵味道就正正常常，但小食就世界級喇。
醬拌皮蛋、口水雞
32 views
0 likes
0 comments
口水雞 ($42)我預期會係香辣室溫既雞，首先個醬汁唔辣偏稀、變左黑醋味，都唔緊要。 一啖咬落去竟然超凍硬硬地有d冰？！ 雞已經有少少乾硬化，連雞皮都有少少巢皮同乾旱，完全幻想到係由冰格拎落黎、未退哂冰就夾硬斬開淋汁上菜，見到雞骨仲有血就唔開胃，完全唔想食第二舊/啖，食落仲要係雪味同雞既腥臭味，可以話係我食過最難食既雞，成碟我都冇再食。
口水雞
$42
27 views
0 likes
0 comments
醬拌皮蛋 ($20)又係垃圾，醬汁雖然同譚仔一樣味，但皮蛋有陣壓壓地既味，食完個口好臭。 但食完個雞我都對呢味皮蛋好感恩，最後清左碟，但要用個麵既湯黎浪口。
醬拌皮蛋
$20
39 views
0 likes
0 comments
阿姐亦好極品，四目交投想落單都扮見你唔到，想俾錢去收銀度見佢低頭做自己野，好聲好氣問幾次係咪呢度俾都唔理你，等左幾分鐘先肯收錢，全程冇講過野。 好佩服呢間野仲做得住，我會努力周圍唱。
Post
