和氣食堂 (黃大仙中心南館)

Open Now

Now Closed

超級飽超級多選擇🤣今日同媽媽係黃大仙依頭行街，然後見到依間餐廳都幾吸引，好似好多選擇，就入咗去。因為我地都好肚餓，兩點幾先黎食午飯，叫咗好多野食。首先黎既就係一碗日式魚湯烏冬，個湯底幾濃幾有魚味，烏冬好滑，唔算好大碗，當係開下個胃，因為我地知道一陣仲有好多野食等緊我地😂第二樣食野就係蒸蛋，我真係好中意食日式蒸蛋，依間餐廳整得尤其地好食，好滑不得止，食每一啖既蛋都有冬菇味，溫度亦都夠熱，一流！之後又叫咗炸雞揚物，啲肉唔會好「鞋」，又好多汁，唔會炸到乾哂，值得一試！媽咪好中意食三文魚同壽司，叫咗依個「三文魚壽司刺身定食」，滿足哂佢既願望有超過一半佢係佢食，佢仲話啲壽司好新鮮！我好中意佢個花之戀，好足料呀！重點第二就係個豬頸肉便當，佢有好多其他便當既選擇例如鰻魚便當。依個豬頸肉都無令我失望，唔算太肥亦都好有口感，加埋啲豬頸肉汁😍好飽好味最估唔到既係佢個金菇肥牛，竟然仲好食過我媽咪自己整果啲！🤣仲有兩杯特飲： 青蘋果奇異果梳打，好特別，佢擺咗支mini lemonade 係個杯上面🤣好型！另外有杯青檸檸檬梳打，清新之餘又唔會太甜😋