Video
Read full review
2006-05-06
33 views
原來....>.<! 睇左樓下咁多位o既意見, 我知我今日中晒招, 好後悔冇先睇大家o既食評....今日去西九龍中心途經呢間, 見佢新開又未食過就試下la, 唔試還好, 一試就花左我一段時間打下面堆野........ 次次去明將都食到一肚壽司, 好飽咁走, 今次去左間新分店, 都好飽, 不過係一肚氣.. !! 所以平時唔會寫野o既我, 今次都忍唔到要出下聲。有幾點想同大家分享, 尤其對打算去o既朋友, 一定要睇左先!(以下o既野我只會將佢同隔一條街位於西九龍中心o個間做比較)1. 壽司極速進出上到去未坐定己經見條line吉晒, 初頭唔知以為d客食得快, 坐定就發覺件事唔係咁正常, 只見好多人口停手停、頭岳岳、眼looklook.... 就知道係d壽司出得慢..... 睇晒成條line就係得幾碟粟米沙律壽司(人人都唔拎都唔知係咪放左好耐).... 等到沖好茶飲晒成杯先開始有d飯落下肚.... (P.S. 問過佢會唔會有八爪魚壽司出, 佢話會, 話師傅出完而家呢d就會出, 係咁一等就等到埋單(個幾鐘), 不過都係未見過一隻爪...)2. 迴轉位教你守珠待兔見條line唔係冇
今日去西九龍中心途經呢間, 見佢新開又未食過就試下la, 唔試還好, 一試就花左我一段時間打下面堆野........ 次次去明將都食到一肚壽司, 好飽咁走, 今次去左間新分店, 都好飽, 不過係一肚氣.. !! 所以平時唔會寫野o既我, 今次都忍唔到要出下聲。
有幾點想同大家分享, 尤其對打算去o既朋友, 一定要睇左先!
(以下o既野我只會將佢同隔一條街位於西九龍中心o個間做比較)
1. 壽司極速進出
上到去未坐定己經見條line吉晒, 初頭唔知以為d客食得快, 坐定就發覺件事唔係咁正常, 只見好多人口停手停、頭岳岳、眼looklook.... 就知道係d壽司出得慢..... 睇晒成條line就係得幾碟粟米沙律壽司(人人都唔拎都唔知係咪放左好耐).... 等到沖好茶飲晒成杯先開始有d飯落下肚....
(P.S. 問過佢會唔會有八爪魚壽司出, 佢話會, 話師傅出完而家呢d就會出, 係咁一等就等到埋單(個幾鐘), 不過都係未見過一隻爪...)
2. 迴轉位教你守珠待兔
見條line唔係冇野食就係得o個幾款冇咩人食o既壽司, 諗住落order叫d三文魚、八爪魚壽司食下, 點知d職員話坐迴轉位唔可以落order! 只有order位先可以!
(註：西九龍中心o個間坐邊都可以落order, 仲大部分壽司都會有, 而且一般都唔使等好耐)
3. 從一而終，你可以選揀走但唔可以要求調
既然唔俾落order, 條line又冇野食, 呆坐係度, 所以問佢可唔可以轉位坐order位(起碼有得落order丫), 點知又話唔俾, 又冇野食又冇得落order又唔俾調位, 算點?
4. 落單後要識追單
等野食期間留意到身後order位d食客向職員追單... 原來坐order位都同一命運, 雖然有得落單可以任點任食好似好正, 不過.... d單唔係失就係慢, 落左都係冇得食.... 唔想等到呆晒o既話, 都係靠自己la, 行兩步過隔離拎野食。
5. 超凡壽司
講到主角─壽司, 唔同其他壽司店比, 同返隔離西九龍中心o個間比, 自問對食物要求唔高, 食開西九龍中心o個間覺得好好食, 不過黎到呢間真係有d頂唔順!
※吞拿魚沙律壽司※
一打開個蓋... 大鑊! 一pad野.... 甚至出水! 一咬.. d味怪怪地, 同平時食開o個d完全唔同, 難食>_<!
※三文魚壽司※
有兩種, 先講正常o個種, 問題冇咁大, 係細片d同埋冇西九龍o個間咁好食。至於另一種, 我第一次見, 唔知係咪佢地首創, 免治三文魚壽司! 又係唔小心拎左先知中招, 食落d味又係與別不同, 難食到想淨食d飯就算, 有d懷疑係將d頭頭尾尾撈埋一堆黎整, 咁有心思真係不得不寫個"服"字醒佢!
※螺肉壽司※
睇左好多碟, 發覺個師傅真係好有心機, 好多碟都係一件正常配一件先天不足(得一粒細粒o既螺肉)
※鰻魚壽司※
外表四四正, 內裡淡茂茂!
6. 坐門口位有你著數
壽司全部由一個位出(門口o個邊), 我坐line尾近toilet位, 有次遠望有三文魚出, 諗住有d野食la, 哈! 黎到我度得返一個個窿.... 有得睇冇得食! 咁o既情況又唔俾落order又唔俾調位, 我走出去投訴, 設訴佢唔俾order但係又冇野食黎! 之後佢再出三文魚先見佢搵職員拎一盤盤去唔同位置放, 咁大家先分到一兩碟試下味... (呢d受歡迎o既壽司根本出得唔夠, 碟碟放上line唔使半分鐘就俾人拎左)
7. 歌聲不絕
順帶一提, 個人覺得o個度播歌都算大聲(同埋有可能聽到唔少怨聲、罵聲), 想靜靜地o既朋友要諗清楚。
P.S. 行完西九龍中心走o個時望到佢門口勁多人等緊, 真係好想叫佢地行多兩步花多少少時間等西九龍中心o個間, 兩間各方面都差天共地..... 另一方面又真係好服呢間野, 點解做得咁差都會有咁多人去食??? 大家都係第一次???
Post
