同人燒 (Closed)

呢間餐廳簡單d黎講，係室內 bbq，任食任飲，特色係有得燒埋蔬果同海鮮，係平成二十二既斜對面，都幾易搵~店家話燒野食之前，都要點一點個水果調既汁，咁樣食完bbq先唔會燥熱。點既醬汁都係自己調的，蒜蓉好香口好正！ 最正係個辣椒醬，唔會太太太辣，但好好好香，一定要叫黎點下，將蒜蓉同辣椒醬溝埋仲正！ 金菇肥牛平時都會嫌麻煩唔燒，今次咁方便就緊係要燒黎食，灑d七味粉已經好惹味，好食好食; 荔枝煙肉，咸香既煙肉包住清甜既荔枝本身已經非常美味，烤製後可以唔洗落調味料都已經好好食！秘訣係一定要燒到塊煙肉微焦。 必叫牛舌！ 厚切兼靚料，肉質彈牙有牛味, 燒到微焦後，擺入口仲有肉汁架~ 值得一食再食 出面人地燒既韭菜十級好食，於是都想自己燒黎食，唔知係味無人地既技巧，燒完有點乾，調味料唔給力，無想像中好食，但食得出d韭菜無渣好甜！ 牛油粟米好快熟，粒粒香甜，無得輸！ 燒翠玉瓜都係好正，平時韓燒燒黎食既話，一定會燒到乾曬，但估唔到bbq反而無事，瓜肉又脆又甜，好鍾意。我成晚淨係飲佢地既自家製既雪梨水，一黎清甜可口解渴，二黎潤肺清熱