薈亞廚房 (Closed)

星期日過咗寶林探朋友同埋佢個B，阿B啱啱出世無耐，朋友仲坐緊月，要多休息復原，所以就無招呼我地食晚飯，咁我地幾個就打算去附近食飯。去咗新都城中心睇下有咩餐廳，見到薈亞廚房係食東南亞菜式，惹味又價錢唔貴，啱晒我地啦。軟殼蟹青木瓜沙律 - 酸酸青木瓜加上香脆軟殼蟹，呢個好食去骨海南雞 - 點咗半隻，啖啖肉好滑溜，份量都ok嘅，點黑豉油食最啱口味泰式炒通菜 - 鑊氣夠，唔會過咸，唔錯澱粉質點咗生牛肉湯河、馬來炒貴刁，2個都好食。貴刁夠惹味，雖然油咗少少。