Video
Read full review
2022-12-13
33 views
今日得13度，凍冰冰除咗打邊爐食串燒就最啱啦!見到屋企附近有呢一間串燒舖，門口有張霓虹燈嘅招牌十分Eye-catching!一於入去試吓！各樣嘢都點咗啲，整體味道都不錯！啲食物唔會燒到好乾，食落都幾多汁，而上面有啲孜然粉同埋燒烤粉，仲有各種香料，所以好惹味！值得一提嘅係豬腩片，一啲都唔肥膩，燒得好香！雞軟骨都好好食，呢度嘅雞軟骨好特別，因為佢係連皮嘅，食落去好爽脆好香口！最後壓軸嘅茄子都好出色！上邊鋪咗超爆多嘅蒜蓉，整條茄子燒得好熟，軟冧冧加埋啲香蔥同蒜茸食落真係冇得彈啊！呀！差啲唔記得介紹原條秋刀魚，外面啲鋪頭好少有呢一道菜，原來秋刀魚用來做串燒都可以好滋味㗎 ！最近世界盃，得閒買啲串燒返屋企一邊飲啤酒一邊食串燒一邊睇波，就更加Perfect啦！
見到屋企附近有呢一間串燒舖，門口有張霓虹燈嘅招牌十分Eye-catching!一於入去試吓！
各樣嘢都點咗啲，整體味道都不錯！啲食物唔會燒到好乾，食落都幾多汁，而上面有啲孜然粉同埋燒烤粉，仲有各種香料，所以好惹味！
值得一提嘅係豬腩片，一啲都唔肥膩，燒得好香！
雞軟骨都好好食，呢度嘅雞軟骨好特別，因為佢係連皮嘅，食落去好爽脆好香口！
最後壓軸嘅茄子都好出色！上邊鋪咗超爆多嘅蒜蓉，整條茄子燒得好熟，軟冧冧加埋啲香蔥同蒜茸食落真係冇得彈啊！
呀！差啲唔記得介紹原條秋刀魚，外面啲鋪頭好少有呢一道菜，原來秋刀魚用來做串燒都可以好滋味㗎 ！
最近世界盃，得閒買啲串燒返屋企一邊飲啤酒一邊食串燒一邊睇波，就更加Perfect啦！
4 views
0 likes
0 comments
3 views
0 likes
0 comments
Post
