焱燒串燒專門店 (Closed)

有次去偉晴街打邊爐，無意中見到間串燒店，入面坐無虛席，又傳來陣陣串燒香味，諗住搵次去食下。好彩有訂位，今日黎到又爆晒場。 Menu 都幾多選擇，又牛、豬、羊、蔬菜、丸、海鮮....又有啤酒, 串燒配啤酒，一流👍！！串燒即叫即燒，味道本身已經惹味，餐廳仲會另外兩款秘製醬汁，一隻好似泰式汁，酸酸辣辣，另一隻沙爹醬，兩款各有特色。食左豬牛羊，味道都唔錯。 推介燒鱔，肥美又有魚油香，少少調味已經足夠。 另外土匪雞翼都醃得好入味。蒜蓉燒生蠔，好鮮甜又惹味。