Video
Read full review
2021-05-03
894 views
02.09.2020📍無肉食（荃灣｜如心廣場二期）唔巧意思因為同腦細食飯所以影相比較求其，廢事顯得我咁港女。由於腦細每逢初一十五都要食齋，身為低級職員嘅我當然要幫佢打點當日嘅膳食。之前都同朋友食過兩次炮台山間無肉食，好食到驚為天人，所以就帶咗腦細試荃灣呢間。同炮台山分店唔同，荃灣無肉食係半自助形式，叫一個餐+前菜任食白飯任裝，食完一定飽到上心口。當日差唔多兩點先食飯所以餓到冇影我夾嘅前菜。我就叫咗水果咕嚕肉，腦細叫咗魚香茄子。咕嚕肉個味都幾似，至於肉質就唔似真肉啦，食得出係豆乾類，魚香茄子就惹味好多，兩款餸送飯都一流😋不過個人都係偏好全自助餐嘅無肉食多啲，個芝士撻超好食😍😍😍士多啤梨咕嚕肉配紅米飯 $78魚香茄子配紅米飯（辣） $78
📍無肉食（荃灣｜如心廣場二期）
唔巧意思因為同腦細食飯所以影相比較求其，廢事顯得我咁港女。由於腦細每逢初一十五都要食齋，身為低級職員嘅我當然要幫佢打點當日嘅膳食。之前都同朋友食過兩次炮台山間無肉食，好食到驚為天人，所以就帶咗腦細試荃灣呢間。
同炮台山分店唔同，荃灣無肉食係半自助形式，叫一個餐+前菜任食白飯任裝，食完一定飽到上心口。當日差唔多兩點先食飯所以餓到冇影我夾嘅前菜。我就叫咗水果咕嚕肉，腦細叫咗魚香茄子。咕嚕肉個味都幾似，至於肉質就唔似真肉啦，食得出係豆乾類，魚香茄子就惹味好多，兩款餸送飯都一流😋
不過個人都係偏好全自助餐嘅無肉食多啲，個芝士撻超好食😍😍😍
士多啤梨咕嚕肉配紅米飯 $78
魚香茄子配紅米飯（辣） $78
Post