拉麵天王 (Closed)

元朗一向係美食天堂，什麼都有。今晚就去左試一間係元朗有名既《拉麵天王》，呢間鋪係紅磡都有分店架。 店內大約有10個座位，雖然店內不大，但有著開放式廚房，富有空間感，各種小擺設同裝修都好有日本風味。今晚同友人齊齊去撐枱腳，餐牌簡單易明，有四種唔同既拉麵選擇，有「白天王HKD72」、「赤天王HKD82」、「黑天王HKD82」，仲有限定「限定天王HKD92」添！今日既限定係「胡椒天王」同「生蒜天王」。除左拉麵外，仲可以追加小食同埋飲品。 我係無辣不歡，當然要「赤天王HKD82」，呢款赤天王辣味十足，但唔會過嗆，仍然食到濃郁既豬骨湯底味，好香口，口感有層次。 友人揀左「黑天王HKD82」，湯底用黑蒜和豬骨淆成，啖啖蒜香味，濃度剛好又唔會太鹹。每碗都配有兩塊肥瘦適中既叉燒，配料份量亦非常充足，值得一讚既係生熟把握得十分好既甜心蛋。 除左拉麵外，我地另外加左「烤餃子HKD30」同「豚角煮HKD25」。 「烤餃子HKD30」煎得外表金黃，外皮香脆，連平日不愛吃餃子的友人也一連吃了三粒^^。 「豚角煮HKD25」 係有兩種豚肉，分別係火熗燒到剛好既豬腩肉，每一啖都食到肥瘦肉，鎖滿肉汁，入口鬆軟；同埋叉