鋼管廠五區小郡肝串串香 (Closed)

久仰大名的串串香開到黎香港喇早就聽過朋友講大陸食串串香，奈何抽唔到假返上去食！知道佢銅鑼灣開左分店，於是趁lunch hr同同事去食！叫左蕃茄鴛鴦鍋湯底，一邊蕃茄一邊麻辣湯底。蕃茄味好鮮甜好重蕃茄味，而麻辣對我黎講算幾辣，不過都係可以接受到嘅香辣。太肚餓關係，嗌咗啲小食食住先。重慶炸酥肉($58)炸得幾香口，如果唔係一陣返工，用黎送酒一流！仲叫左個紅糖冰粉($28)用黎解辣，口感好似甜甜的啫喱，但真係幾神奇的解到辣！串串係用竹簽重量計，$78/100克。有牛、豬、雞、腸仔、薯仔片等等。呢個香菜牛肉味道好不錯呢，幾香口，加埋麻辣嘅湯底，好惹味！最後兩個人都食到飽飽，記得食得到幾多先好拎啊。