Video
Read full review
2018-12-16
150 views
北風呼呼吹, 大條道理可以去食多啲嘢, 強身健體嘛!我見就快過冬，要早啲出去揀定地方食飯， 今日同朋友去咗有小上海之稱嘅北角區食京滬菜。呢間舖叫太元樓，你睇吓連紅纸都仲貼住，新店開業! 見到門口有張海報寫住新張期內妙齡乳鴿每隻特價28蚊，好吸引喎!以為食early dinner唔多人, 點知一推開門, 已經坐咗七成客啦，咦? 有料到喎! 呢度地方幾闊落，大枱細枱乜嘢組合都有，特別有我最鍾意嘅卡位添! 一坐低阿姐就放低一碟涼拌小青瓜，好爽口带微辣， 後來埋單先至知道原來呢碟前菜係免費㗎，超值！我信餐牌推介，叫咗一碟水晶肴肉！肴肉製作工序都幾多吓，呢度用嘅豬手材料新鮮，整出嚟嘅肴肉有頭，豬皮凍嗰部份入口即溶，配埋薑絲加浙醋，一啲都唔肥膩！朋友食親京滬菜一定點呢一味， 哈哈，餐牌 都有推介喎， 就係招牌松子魚！朋友話呢個餸又係工序多多，自己好難整; 佢話好味嘅松子魚要結合幾大元素: 材料新鮮、刀工好、油炸時間長短同埋茨汁酸甜度要拿捏恰當，各樣配合，先至能夠做到酥脆甘香，酸甜惹味嘅松子魚。今日食到啦，酸酸甜甜好開胃! 見到隔離食生煎包，賣相都幾靚，我哋都叫咗份試吓。生煎包皮薄底脆，唔油膩！食
我見就快過冬，要早啲出去揀定地方食飯， 今日同朋友去咗有小上海之稱嘅北角區食京滬菜。呢間舖叫太元樓，你睇吓連紅纸都仲貼住，新店開業!
見到門口有張海報寫住新張期內妙齡乳鴿每隻特價28蚊，好吸引喎!
以為食early dinner唔多人, 點知一推開門, 已經坐咗七成客啦，咦? 有料到喎! 呢度地方幾闊落，大枱細枱乜嘢組合都有，特別有我最鍾意嘅卡位添!
一坐低阿姐就放低一碟涼拌小青瓜，好爽口带微辣， 後來埋單先至知道原來呢碟前菜係免費㗎，超值！
涼拌小青瓜
14 views
0 likes
0 comments
我信餐牌推介，叫咗一碟水晶肴肉！
肴肉製作工序都幾多吓，呢度用嘅豬手材料新鮮，整出嚟嘅肴肉有頭，豬皮凍嗰部份入口即溶，配埋薑絲加浙醋，一啲都唔肥膩！
水晶肴肉
15 views
0 likes
0 comments
朋友食親京滬菜一定點呢一味， 哈哈，餐牌 都有推介喎， 就係招牌松子魚！
朋友話呢個餸又係工序多多，自己好難整; 佢話好味嘅松子魚要結合幾大元素: 材料新鮮、刀工好、油炸時間長短同埋茨汁酸甜度要拿捏恰當，各樣配合，先至能夠做到酥脆甘香，酸甜惹味嘅松子魚。
今日食到啦，酸酸甜甜好開胃!
招牌松子魚
13 views
0 likes
0 comments
見到隔離食生煎包，賣相都幾靚，我哋都叫咗份試吓。
生煎包皮薄底脆，唔油膩！
生煎包
33 views
0 likes
0 comments
食得太多肉啦，罪過罪過！ 叫番碟乾煸四季豆，咁先至均衡營養!
真傻瓜，到埋單先至記得原來冇叫乳鴿！ 阿姐即刻話: 做冬過嚟食返囉，ok, 即call阿媽！
Post
