Homeland (牡丹大廈) (Moved) New Location

同朋友傾計食飯，揀左一直冇留意到的Homeland，見到Menu都感覺到有很多美食選擇，最後揀左煙三文魚沙律、美國安格斯牛肩、啤酒雞。煙三文魚沙律正常水準，都幾大份，面包粒啲有香草味。美國安格斯牛肩肉質就有點普通，叫了5成熟，可能食唔慣太生。但薯蓉有好香嘅芝士加牛奶味，加分。壓軸出場嘅燒雞，熱辣辣剛出爐，店員提供手套、較剪比我地，唔怕切唔開。朋友一邊剪一邊啲汁流落黎，睇到我地垂涎三尺，連平日嫌雞胸榎口嘅朋友都覺得雞胸好食！本來擔心食唔晒，最後用手撕下撕下就清晒，而下面嘅翠肉瓜、青瓜等等嘅配菜吸收晒啲雞油，香口得黎唔會好油膩。總結個雞係今次晚飯嘅小驚喜