樓下冰室 (Closed)

今晚約咗個朋友，好耐冇見，以前係呢邊讀書，成日都會嚟呢間餐廳食，今晚特登約返嚟呢間餐廳食，食返小時候嘅味道。都係年幾冇黎食，水準依然無變，最出名嘅瑞士雞翼，真係見到都流口水。叫咗個雞翼餐配沙律，啲瑞士雞翼真係好入味，同埋都係咁大隻，我哋一人一隻，留返個肚食其他嘢。細細個最鍾意下午茶嚟食炸餃子，啲餃子新鮮熱辣上，炸到好香脆好惹味，不過啲沙律醬唔夠，次次都要額外再加，因為我真係好鍾意食沙律醬。另外再叫多個芝士焗西蘭花，份量好大個，價錢又唔貴，面頭鋪左好多芝士，呢個價錢真係物超所值。